மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
திரிஷா இல்லேன்னா நயன்தாரா படத்தை இயக்கியவர் ஆதிக் ரவிச்சந்திரன். இந்த படத்தில் ஆபாச காட்சிகளும், இரட்டை அர்த்த வசனங்களும் நிறைந்து கிடந்தன. இதையடுத்து சிம்புவை வைத்து அன்பானவன் அசராதவன் அடங்காதவன் என்ற படத்தை எடுத்தார். இந்தபடம் பெரும் தோல்வியை தழுவியது. தற்போது பிரபுதேவாவை வைத்து பஹிரா என்ற படத்தை இயக்கி உள்ளார். 7 நாயகிகள் நடித்துள்ள இந்தப்படம் சிகப்பு ரோஜாக்கள் பட பாணியில் சைக்கோ திரில்லர் படமாக உருவாகி உள்ளது. இதில் ஆபாச காட்சிகள் நிறைய உள்ளதால் படத்திற்கு ஏ சான்று கிடைத்தது. இன்று(மார்ச் 3) படம் வெளியாகி உள்ளது.
இந்நிலையில் இந்தப்படம் தொடர்பாக ஆதிக் ரவிச்சந்திரன் வெளியிட்ட பதிவு : ‛‛2018ல் ஆரம்பித்த பஹிரா படம் 2023 வரை நீண்ட நெடிய பயணமாக இருந்தது. கடினம் என சொல்ல முடியாது இருந்தாலும் சவால்கள் நிறைந்து இருந்தது. இந்தப்படம் குறிப்பிட்ட ரசிகர்களுக்கான படமாக இருக்கும். இந்தப்படம் தான் எனது கடைசி ஏ சான்று படம்'' என தெரிவித்துள்ளார்.
ஆதிக் ரவிச்சந்திரன் தற்போது விஷாலை வைத்து ‛மார்க் ஆண்டனி' என அதிரடி ஆக் ஷன் படத்தை இயக்கி வருகிறார்.