'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
மலையாளத்தில் மம்முட்டி தற்போது நடித்துவரும் படம் 'காதல் தி கோர்'. இந்த படத்தில் கதாநாயகியாக ஜோதிகா நடித்து வருகிறார். கிட்டத்தட்ட 25 வருட இடைவெளிக்கு பிறகு இந்த படத்தின் மூலம் மலையாளத்தில் ரீ-என்ட்ரி கொடுத்துள்ளார் ஜோதிகா. கடந்த வருடம் மலையாளத்தில் வெளியாகி வரவேற்பை பெற்ற தி கிரேட் இண்டியன் கிச்சன் படத்தை இயக்கிய ஜியோ பேபி தான் இந்த படத்தை இயக்கி வருகிறார்.
இந்த படத்தின் படப்பிடிப்பு தளத்திற்கு கடந்த சில நாட்களுக்கு முன்பு நடிகர் சூர்யா சர்ப்ரைஸ் விசிட் அடித்து இருந்தார். இந்த நிலையில் இந்த படத்தில், மம்முட்டி தான் சம்பந்தப்பட்ட காட்சிகள் அனைத்தையும் நடித்து முடித்து விட்டார். இதைத்தொடர்ந்து இந்தப்படப்பிடிப்பில் அவர் கடைசி நாளாக நடித்த அன்றைய தினம் ஜோதிகா உள்ளிட்ட படக்குழுவினர் அனைவருக்கும் சுவையான பிரியாணி விருந்தளித்து விடை பெற்றுள்ளார்.