சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு | விஜய் சேதுபதிக்கு வில்லனாகும் நாசர் |
அமிதாப்பச்சன், அமீர்கான் நடித்த தக்ஸ் ஆப் இந்துஸ்தான் படம் சமீபத்தில் வெளிவந்தது. 300 கோடி ரூபாய் பட்ஜெட்டில் தயாரான இந்தப்படம் பெரும் தோல்வியை தழுவியது. அமீர்கான் நடித்த டங்கல் படம் சீனாவில் பரபரப்பாக ஓடி 500 கோடிக்கு மேல் வசூலித்தது. சீனாவில் அமீர்கானுக்கென்று தனி ரசிகர் கூட்டம் உருவானது. அதனால் தக்ஸ் ஆப் இந்துஸ்தான் படம் சீனாவில் வெளியிடப்படுகிறது. படத்தை பார்க்கும் ஆர்வத்தில் சீன மக்கள் இருக்கிறார்கள்.
இந்த படத்தின் புரமோசனுக்காக அமீர்கான், சீனா சென்று உள்ளார். இந்த பயணத்தின் ஒரு பகுதியாக சீனாவின் முக்கிய நகரமான குவாங்சோவில் உள்ள குவாங்டாங் பல்கலைகழத்தில் அமீர்கான் உரையாற்ற, அங்குள்ள மாணவர்கள் ஏற்பாடு செய்திருந்தனர். இதற்கு பல்கலைக்கழகமும் அனுமதித்திருந்தது. ஆனால் கடைசி நேரத்தில் பல்கலைக்கழகம் அனுமதியை ரத்து செய்து, அமீர்கான் பல்கலைக்கழகத்திற்குள் வர தடை விதித்தது.
"இந்தியாவின் மிகப்பெரிய கலைஞர் அமீர்கான் எங்கள் பல்கலைக்கழகத்தில் மாணவர்களிடையே உரையாற்றகிறார் என்று தான் அனுமதி கேட்கப்பட்டது. அதற்கு அனுமதி அளித்தோம். ஆனால் அமீர்கான் சீனா வந்திருப்பது தனது பட புரமோசனுக்காக, எனவே இது சினிமா புரமோசன் நிகழ்ச்சியாகிறது. ஆகையால் அனுமதி இல்லை" என்று பல்கலைக்கழகம் அறிவித்தது. இதைத் தொடர்ந்து மாணவர்கள் தங்கள் நிகழ்ச்சியை அருகில் உள்ள ஓட்டலுக்கு மாற்றினர். அங்கு நிகழ்ச்சி நடந்தது.