ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
ஹிந்தித் திரையுலகத்தில் கங்கனா ரணாவத் என்றாலே சர்ச்சை என்று சொல்லும் அளவிற்கு அவரைப் பற்றி அடிக்கடி சர்ச்சைக்குரிய செய்திகள் வந்து கொண்டேயிருக்கும். அவர் தற்போது நடித்து வரும் 'மணிகர்னிகா' படம் பற்றியும் அடிக்கடி சர்ச்சைகள் வந்து கொண்டேயிருந்தது.
சில வாரங்களுக்கு முன்பு அப்படத்திற்கான விடுபட்ட சில காட்சிகள் படமாக்கப்பட்ட போது கிளாப் போர்டில் இயக்குனர் பெயரில் கிரிஷ் என்பதற்குப் பதிலாக கங்கனா ரணாவத் என்று இருந்தது. அது பற்றி அப்போதே சர்ச்சை ஆரம்பமானது. ஆனால், கிரிஷ், தெலுங்கில் 'என்டிஆர்' படத்தை இயக்கப் போய்விட்டதால் அவருக்குப் பதிலாகத்தான் கங்கனா இயக்குனர் ஆகவும் மாறினார் என்றார்கள்.
இப்படத்தின் டிரைலர் இரண்டு தினங்களுக்கு முன்பு வெளியிட்ட போது அதில் இயக்குனர் பெயரில் யார் பெயர் இடம் பெறும் என்ற ஒரு எதிர்பார்ப்பு இருந்தது. அதில் இயக்குனர் என ராதாகிருஷ்ண ஜகர்லமுட் என்ற பெயர் இருந்ததால் சிலர் குழப்பமடைந்தனர். அந்தப் பெயர் இயக்குனர் கிரிஷ்-ன் முழுப் பெயர் என்பது பலருக்குத் தெரியாது. தான் சில காட்சிகளை இயக்கினாலும் படத்தின் இயக்குனர் ஆக கிரிஷ் பெயரே இடம் பெற்றிருப்பது டோலிவுட்டில் ஆச்சரியத்தை ஏற்படுத்தியுள்ளது.
இந்தப் படத்திற்கு கதை, திரைக்கதை எழுதியுள்ள 'பாகுபலி' கதையாசிரியர் விஜயேந்திர பிரசாத் தான், கிரிஷை இயக்குனராக சிபாரிசு செய்தார் என்பது குறிப்பிடத்தக்கது.