தினமலர் முன்னோட்டம் » புதிய திருப்பங்கள்

  "கண்டேன்" படத்தை தொடர்ந்து ஸ்ரீசெல்வநாயகி அம்மன் மூவிஸ் நிறுவனம் தயாரிக்கும் புதிய படம் "திருப்பங்கள்". ஹீரோவாக நந்தாவும், ஹீரோயினாக ஆண்ட்ரியாவும் நடிக்கின்றனர். இரண்டாவது நாயகியாக பாலிவுட் நடிகை சுர்விர் நடிக்கிறார். இவர்களுடன் பாலிவுட் நடிகர் கவுதம் குரூப், சாம்ஸ் உள்ளிட்ட பலர் முக்கிய கதாபாத்திரத்தில் நடிக்கின்றனர். குழந்தை முதல் பெண்கள், இளைஞர்கள் வரை கடத்தப்படுவதை மையப்படுத்தி பரபரப்பான காட்சிகளின் பின்னணியில் திருப்பங்கள் படத்தை கதை, திரைக்கதை, வசனம் எழுதி இயக்கி வருகிறார் சாரதா ராமநாதன்.

நா.முத்துக்குமார் பாடல் வரிகள் எழுத, வித்யாசாகர் இசையமைக்கிறார். ராஜலட்சுமி என்ற பெண் படத்தொகுப்பு வேலையை கவனிக்கிறார். தமிழ் சினிமாவில் பெண் படத்தொகுப்பாளர் பணியாற்றுவது இதுவே முதல்முறை. படத்தின் சூட்டிங் முழுக்க, முழுக்க சென்னையில் நடந்து வருகிறது.