விஜய் டி.வி.யில் வெங்கட்பிரபு தொகுத்து வழங்கும் கோலிவுட் கிங்!

எப்பவும் புதுமையான நிகழ்ச்சிகளை கொடுத்து வரும் விஜய் டி.வி., இப்போது கோலிவுட் கிங் என்ற புதிய நிகழ்ச்சியை ஒளிப்பரப்பு செய்து வருகிறது. இதனை தமிழ் சினிமாவின் பிரபல டைரக்டர் வெங்கட்பிரபு தொகுத்து வழங்குகிறார். தமிழ் சினிமாவில் உள்ள கதாநாயகர்களுக்கு ரசிகர்கள் ஏராளம். அந்த ரசிகர்களை வைத்து மிகமிக சுவையாக நடத்தப்படும் ஒரு குவிஸ் நிகழ்ச்சிதான் இந்த கோலிவுட் கிங்.

ஒவ்வொரு வாரமும் ஒரு மாபெரும் நட்சத்திரத்தின் ரசிகர்களை இந்த கோலிவுட் கிங் நிகழ்ச்சியில் கலந்துகொள்வார்கள். அவர்களிடம் அந்த ஹீரோவைப்பற்றிய, அவர் நடித்த திரைப்படங்களைப்பற்றிய கேள்விகள் கேட்கப்படும். நிகழ்ச்சியில், ஒரு வாரத்தில் சுமார் 50 ரசிகர்கள் கலந்து கொள்வார்கள். அவர்களில் சரியான பதில்களை சொல்பவர்களை நிகழ்ச்சியின் அடுத்தடுத்த சுற்றுக்கு தேர்ந்தெடுக்கப்படுவார்கள். ஒவ்வொரு சுற்றிலும் அவர்களுக்கான பரிசுத்தொகையும் அதிகமாகிகொண்டே செல்லும். இறுதியில் அனைத்து கேள்விகளுக்கு பதில்களை ‌சரியாக சொன்ன ஒரு ரசிகர் அந்த வாரத்தின் கோலிவுட் கிங்காக தேர்ந்தெடுக்கப்படுவார்.

நிகழ்ச்சியின் முதல்வாரமாக கடந்தவாரம் அக்டோபர் 27ம் தேதி அஜீத் ஸ்பெஷல் எபிசோடாக இருந்தது. இந்தவாரம் நவ.4ம் தேதி ஒளிப்பரப்பாகும் நிகழ்ச்சியின் சிறப்பு விருந்தினராக நடிகை சிம்ரன் கலந்து கொள்கிறார். சிம்ரன் ரசிகர்களும் இதில் கலந்து கொள்கின்றனர். மேலும் பல நட்சத்திரங்கள் பற்றிய சுவையான சுற்றுகளும் இந்த வார நிகழ்ச்சியில் இடம்பெறும். சனிக்கிழமை தோறும் இரவு 8 மணி முதல் 9.30 மணிவரை ஒளிப்பரப்பாகும் இந்த நிகழ்ச்சியை டைரக்டர் வெங்கட்பிரபு தனது பாணியில் தொகுத்து வழங்க உள்ளார்.