ஜாக்பாட் பரிசுத்தொகையை அதிகரித்தது ஜெயா டிவி!

ஜாக்பாட் நிகழ்ச்சியில் வெற்றியாளர்களுக்கான பரிசுத்தொகையை ஜெயா டிவி அதிகரித்துள்ளது. ஜெயா டிவியில் ஞாயிறுதோறும் இரவு 8 மணிக்கு ஒளிபரப்பாகி வரும் ஜாக்பாட் நிகழ்ச்சியை நடிகை சிம்ரன் நடத்தி வருகிறார். அறிவுபூர்வமான கேள்வி-பதில் அதற்கான உடனடி பரிசுகள் இந்த நிகழ்ச்சியின் சிறப்பு.

இப்போது இந்த நிகழ்ச்சியில் பங்கேற்கும் போட்டியாளர்களுக்கு வழங்கப்படும் பரிசுத் தொகையின் எண்ணிக்கையும், அவற்றின் மதிப்பும் இரண்டு மடங்காக உயர்த்தப் பட்டிருக்கிறது. பெண்களுக்கான இந்த கேம்ஷோவில் இப்போது ஆண்களும் போட்டியாளர்களாக பங்கேற்கிறார்கள். அவர்களும் பெண்களைப்போலவே பரிசுகளை அள்ளுகிறார்கள் என்பது நிகழ்ச்சியின் கூடுதல் சுவாரசியம். ரசிகர்களின் வேண்டுகோளுக்கு ஏற்ப பரிசுத்தொகையை உயர்த்தியிருப்பதாக ஜெயா டிவி தெரிவித்துள்ளது.