ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
பிக்பாஸ் சீசன் 2 நிகழ்ச்சியின் வெற்றியாளராக ரித்விகா தேர்வு செய்யப்பட்டார்.
விஜய் டிவியில் பிரபலமான நிகழ்ச்சி பிக்பாஸ். கமல் தொகுத்து வழங்கிய இந்த நிகழ்ச்சியின் முதல் சீசனில் ஆரவ் வெற்றி பெற்ற நிலையில் இரண்டாவது சீசன், கடந்த ஜூன் 17ம் தேதி துவங்கியது.
ரித்விகா, ஐஸ்வர்யா, ஜனனி, யாஷிகா, மும்தாஜ், பாலாஜி, சென்ட்ராயன், பொன்னம்பலம், மகத், டேனியல், ஷாரிக், அனந்த் வைத்தியநாதன், வைஷ்ணவி, ரம்யா, மமதி, நித்யா உள்ளிட்ட 16 பேர் கலந்து கொண்டனர். ஒவ்வொரு வாரமும் ஒருவர் வௌியேற்றப்பட்ட நிலையில், 67வது நாளில் விஜயலெட்சுமி 17-வது போட்டியாளராக வைலட் கார்ட்டில் இணைந்தார்.
முதல் சீசனை விட இந்த இரண்டாம் சீசனில் பல்வேறு சர்ச்சைகள், சண்டைகள் அதிகமாக இருந்தது. முதல் சீசன் 100 நாட்களை கடந்தது. இரண்டாவது சீசன் 105 நாட்களை கடந்தது.
இறுதிப்போட்டிக்கு ரித்விகா, ஜனனி, ஐஸ்வர்யா மற்றும் விஜயலட்சுமி தேர்வாகினர். நேயர்களின் வாக்கு அடிப்படையில் ரித்விகா 30 லட்சம் வாக்குகள் அதிகம் பெற்று பிக்பாஸ் டைட்டில் வென்றார்.
கமல், ரித்விகாவின் பெயரை அறிவித்ததும் கதறி அழுதார் ரித்விகா. அவரது பெற்றோர்களை அழைத்து அவர்களுக்கு தனது வெற்றியை அர்ப்பணித்தார். அவருக்கு 50 லட்சம் பரிசுத் தொகையும், கோப்பையையும் பரிசாக வழங்கப்பட்டது.
போட்டியின் இறுதிநாளில் முதல் சீசனில் வெற்றி பெற்ற ஆரவ், ஓவியா ஆகியோரும் கலந்து கொண்டனர். யாஷிகாவின் நடனம் உள்ளிட்ட கலைஞர்களின் கலர்புல் நடனமும், விஜய் டிவியின் காமெடி கலைஞர்களை வைத்து பிக்பாஸ் காமெடி நிகழ்ச்சியும் ரசிகர்களை மகிழ வைத்தது.