டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ் சினிமாவில் வில்லனாக அறிமுகமாகி, இப்போது காமெடி நடிகனாகியிருப்பவர் செண்ட்றாயன். விஜய் டி.வியின் பிக் பாஸ் வீட்டுக்குள் இருக்கிறார். அவரைத்தேடி ஒரு நல்ல செய்தி வந்தது.
செண்ட்ராயனும், அவர் மனைவி கயல்விழியும் காதலித்து திருமணம் செய்து கொண்டவர்கள். பிக் பாஸ் வீட்டுக்குள் இருப்பவர்களை அவரது நெருங்கிய உறவினர்கள் சந்திக்கலாம் என்ற விதிமுறையின் கீழ் கடந்த சில தினங்களுக்கு முன்பு செண்ட்றாயனை பிக் பாஸ் வீட்டிற்குள் சென்று சந்தித்தார் கயல்விழி. கணவனை அதிக நாட்கள் பிரிந்திராத கயல்வழி நீண்ட பிரிவிற்கு பிறகு சந்தித்ததில் மகிழ்ச்சியும், நெகிழ்ச்சியும் அடைந்தார். அப்போது அந்த நல்ல செய்தியையும் சொன்னார்,
கயல்விழி இப்போது 4 மாத கர்ப்பமாக இருக்கிறார். திருமணமாகி இதுவரை குழந்தை பாக்கியம் இல்லாத இந்த தம்பதிகளுக்கு இது பெரிய வரப்பிரசாதம். கணவர் வீட்டை விட்டு வெளியில் வந்ததும் சொல்ல வேண்டும் என்று நினைத்துக் கொண்டிருந்தவர். கணவனை கண்ட மகிழ்ச்சியில் சொல்லிவிட்டார்.
"நான் அப்பாவாகிட்டேன்" என்று கத்தி செண்ட்றாயனும் மகிழ்ச்சியானார். மனைவியை கட்டிப்பிடித்து ஆனந்த கண்ணீர் வடித்தார். பிக் பாஸ் வீட்டில் உள்ளவர்கள் மட்டுமல்ல நிகழ்ச்சியை பார்த்தவர்களும் நெகிழ்ந்து போனார்கள். பிக்பாஸ் வீட்டில் கயல்விழிக்கு வளைகாப்பையும் நடத்தி விட்டார்கள்.