ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
விஜய் தொலைக்காட்சியின் நட்சத்திர நிகழ்ச்சி நீயா நானா. பல ஆண்டுகளாக தொடர்ச்சியாக ஒளிபரப்பாகி வரும் இந்த நிகழ்ச்சியை கோபிநாத் தொகுத்து வழங்கி வருகிறார். கோபிநாத்துக்கு தனி அடையாளத்தையும் ஏற்படுத்திக் கொடுத்தது. இதன் மூலம் சில சினிமாவிலும் அவர் நடித்தார்.
கோபிநாத் இதுவரை நீயா நானா நிகழ்ச்சி மட்டுமே தொகுத்து வழங்கினார். இதுதவிர மற்ற நிகழ்ச்சிகளுக்கு சிறப்பு அழைப்பாளராக சென்றிருக்கிறார். பொது விழாக்களில் பேச்சாளராக கலந்து கொண்டிருக்கிறார். தற்போது நீயா நானா தவிர மற்றொரு புதிய நிகழ்ச்சியையும் தொகுத்து வழங்க இருக்கிறார். நிகழ்ச்சியின் பெயர் டிவைடெட்.
இந்த நிகழ்ச்சியில் முன்பின் அறிமுகமில்லாத 3 பேர் பங்கேற்பார்கள். அவர்களுக்கு பொது அறிவு தொடர்பான 15 கேள்விகள் கொடுக்கப்படும் அதற்கான பதிலை 3 பேரும் ஒரே மாதிரியாக சொல்ல வேண்டும். இறுதியில் மூவருக்குமே 50 லட்சம் வரை பரிசு வழங்கப்படும். அந்த பரிசை அவர்கள் சண்டைபோடாமல் பங்கிட்டு கொள்ள வேண்டும். அவர்களுக்குள் மோதல் வந்தாலோ, மூவரில் ஒருவர் சரியான பதிலை சொல்லாவிட்டாலோ அவர்கள் தோல்வி அடைந்தவர்கள் ஆவார்கள்.
விட்டுக்கொடுத்தல், ஒருங்கிணைந்து செயல்படுதல் இதுதான் நிகழ்ச்சின் மைய புள்ளி. விஜய் தொலைக்காட்சியில் சனி மற்றும் ஞாயிற்றுக் கிழமையில் இரவு 8 மணிக்கு ஒளிபரப்பாகிறது.