Dinamalar

சூப்பர் சிங்கர் 6 : வெற்றி வாகை சூடிய செந்தில்

விஜய் டிவியில் ஒளிப்பரப்பாகும் நிகழ்ச்சி சூப்பர் சிங்கர். இதன் 6-வது சீசன் கடந்த சில மாதங்களாக நடைபெற்று வந்தன. இந்த சீசனில் முதன்முறையாக கிராமத்து இசை கலைஞர்களான செந்தில் மற்றும் ராஜலட்சுமி இடம் பெற்றிருந்தனர். இவர்கள் இருவரும் கணவன் - மனைவி.

இந்த நிகழ்ச்சியில் ஆரம்பம் முதலே இவர்களுக்கு அதிக வரவேற்பு கிடைத்தன. குறிப்பாக சிம்பு உள்ளிட்ட பல பிரபலங்கள் நிகழ்ச்சியில் சிறப்பு விருந்தினராக பங்கேற்றபோது இந்த தம்பதியரை வெகுவாக பாராட்டினர்.

கணவன் மனைவியாக இருந்தாலும் போட்டி என்று வந்துவிட்டால் இருவரும் சளைத்தவர்கள் அல்ல என பலமுறை நிரூபித்திருக்கின்றனர். இந்நிலையில் இந்த நிகழ்ச்சியின் இறுதிப்போட்டிக்கு செந்தில், ரக்ஷிதா, மாளவிகா, ஸ்ரீகாந்த், அனிருத், சக்தி ஆகியோர் தேர்வாகி இருந்தனர்.

இறுதிப்போட்டி நேற்று நடந்தது. இறுதிப்போட்டியில் ஒவ்வொரு போட்டியாளர்களும் இரண்டு பாடல்களை பாடி அசத்தினர். செந்தில் கருப்பசாமி பாடலையும், தாண்டவக்கோனே பாடலையும் பாடி அசத்தினார்.

மக்களின் ஓட்டுகள் அடிப்படையில் செந்தில் வெற்றியாளராக அறிவிக்கப்பட்டார். அவருக்கு ரூ.50 லட்சம் மதிப்பிலான வீடும், ஏ.ஆர்.ரஹ்மான் இசையில் பாடும் வாய்ப்பும் கிடைத்தது.

இரண்டாவது இடத்தை ரக்ஷிதா பிடித்தார். அவருக்கு ரூ.25 லட்சம் மதிப்பிலான தங்க நகைகள் பரிசாக வழங்கப்பட்டது. 3வது இடத்தை மாளவிகா பெற்றார். அவருக்கு ரூ.5 லட்சம் ரொக்க பரிசு அளிக்கப்பட்டது.

இப்போட்டியில் பங்கேற்று இறுதிப்போட்டி வரை வந்த ஸ்ரீகாந்த்க்கும், ஏ.ஆர்.ரஹ்மான் இசையில் பாடும் வாய்ப்பு கிடைத்திருக்கிறது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  அதிக எதிர்பார்ப்பில் வெளியாகும் வீட்டுக்கு வீடு வாசப்படி சீரியல்!
• 
  மிஸ்டர் மனைவி சீரியலில் என்ட்ரி கொடுக்கும் தேப்ஜானி மோடக்
• 
  மல்லி தொடரில் கம்பேக் கொடுக்கும் நிகிதா!
• 
  நீ நான் காதல் சீரியலில் கெஸ்ட் ரோலில் வெற்றி வசந்த்
• 
  பிக்பாஸ் ஷிவினா இது? - வைரலாகும் லேட்டஸ்ட் கிளிக்ஸ்