டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சமீபகாலமாக சின்னத்திரையில் தொகுப்பாளர்கள் பலரும் சினிமாவில் ஹீரோவாகிக் கொண்டிருக்கிறார்கள். அதேபோல் ரம்யா, திவ்யதர்ஷினி உள்ளிட்ட சில தொகுப்பாளினிகளும் சினிமாவில் சிறிய வேடங்களில் நடித்து வருகிறார்கள். மணிரத்னத்தின் ஓ காதல் கண்மணியில் ரம்யா நடித்தார். தனுஷின் ப.பாண்டியில் திவ்யதர்ஷினி நடித்தார். இவர்களைத் தொடர்ந்து இன்னொரு தொகுப்பாளினியான அகல்யா வெங்கடேசனுக்கும் சினிமாவில் நடிக்க வேண்டும் என்ற ஆசை ஏற்பட்டுள்ளது. அதுவும் அஜீத்தின் தங்கையாக ஒரு படத்திலாவது நடித்து விட வேண்டுமாம்.
இதுகுறித்து அவர் கூறும்போது, தற்போது நான் சில லைவ் நிகழ்ச்சிகளை தொகுத்து வழங்கி வருவதோடு, ஆதித்யாவில் ஒளிபரப்பாகும் மாமோய் நீங்க எங்க இருக்கீங்க என்ற நிகழ்ச்சியிலும் டவுட் செந்திலின் மனைவி ரோலில் நடித்துக் கொண்டிருக்கிறேன். இந்த நிகழ்ச்சி குட்டி குட்டியான எபிசோடு என்றாலும், ஒவ்வொரு நாளும் ஒவ்வொரு விதமான கருத்துக்களை மையமாக வைத்து நடிப்பதால் நடிப்பில் நல்ல தேர்ச்சி பெற்று வருகிறேன்.
அதனால், இனிமேல் நல்ல வாய்ப்புகள் வந்தால் சினிமா, சின்னத்திரை எதுவானாலும் நடிக்க திட்டமிட்டுள்ளேன். முக்கியமாக ஒரு படத்திலாவது அஜித்தின் தங்கையாக நடிக்க வேண்டும் என்பதுதான் எனது பெரிய ஆசையாக உள்ளது. காரணம், நான் அஜித்தின் தீவிரமான ரசிகை. அவர் நடித்த ஒரு படத்தைகூட தவறவிடமாட்டேன். அதனால் எதிர்காலத்தில் அஜித்துடன் நடிக்கும் வாய்ப்புக்காக கண்டிப்பாக முயற்சி செய்வேன் என்கிறார் அகல்யா.