மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
மியூசிக் சேனல் தொகுப்பாளினி அஞ்சனா, எல்லோருக்கும் பிடித்த க்யூட்டான சிம்பிளான தொகுப்பாளினி. தொலைக்காட்சி நிகழ்ச்சிகள் தவிர பொது நிகழ்ச்சியிலும் நல்ல தொகுப்பாளினியாக வளர்ந்து வருகிறார். திவ்யதர்ஷினி, ரம்யா இடத்தை பிடிப்பார் என்று கணிக்கப்படுகிறவர். இப்போது அவர்களைப்போலவே திருமணம் செய்து கொள்ள இருக்கிறார். இதில் முன்னவர்கள் இருவரும் வீட்டில் பார்த்த மாப்பிள்ளையை திருமணம் செய்தார்கள். அஞ்சனா காதல் திருமணம் செய்கிறார்.
கயல் படத்தில் ஹீரோவாக நடித்த சந்திரனை காதலித்து திருமணம் செய்து கொள்ள இருக்கிறார். வருகிற 29ந் தேதி திருமண நிச்சயம், நடக்க இருக்கிறது. ஏப்ரல் மாதம் திருமணம் நடக்கிறது. டுவிட்டரில் காதல் வளர்த்தோம் என்கிறார் அஞ்சனா.
அவர் மேலும் கூறியிருப்பதாவது: பொதுவாக நான் எல்லோருடனும் எளிதில் பழகிவிடுவேன். என் கலகல பேச்சு அவர்களுக்கும் பிடித்து விடும். அப்படி வந்த நண்பர்கள் நிறைய இருக்கிறார்கள். நட்பை தாண்டி வேறு எதையும் நான் யோசிப்பதில்லை. ஆனால் சந்திரன் விஷயத்தில் மட்டும் அது மாறிவிட்டது. இருவரும் ஒரு விருது வழங்கும் விழாவில்தான் அறிமுகமானோம். நான் தொகுத்து வழங்கினேன். அவர் கயல் படத்துக்காக விருது வாங்கினார். அவர் நடிப்பை பற்றி நான் சிலாகித்து சொன்னது அவருக்கு பிடித்திருந்ததால் சின்னதாக ஒரு நன்றி சொன்னார்.
அதன் பிறகு சந்திக்க வாய்ப்பு கிடைக்கும்போது பேசிக் கொண்டோம். அப்புறம் பேஸ்புக் டுவிட்டர் மூலம் எங்கள் நட்பு காதலானது. அவரே நேடியாக கல்யாணம் பண்ணிக்கலாமான்னு கேட்டார். இவ்வளவு வெளிப்படையாக இருக்கிறவரை மிஸ் பண்ண முடியுமா ஓகே சொன்னேன். வீட்டில் விஷயத்தை சொன்னேன். அவர்களும் உன் விருப்பமே எங்கள் விருப்பம் என்றார்கள். இப்போது கல்யாண ஏற்பாடுகளில் வந்து நிற்கிறோம். திருமணத்துக்கு பிறகும் எனது தொகுப்பாளினி பணி தொடரும் என்கிறார் அஞ்சனா.