Dinamalar

மாணவர்களுக்கு நம்பிக்கையூட்டும் விஜய் டிவி கோபிநாத்!

விஜய் டிவியில் நீயா நானா, விஜய் விருதுகள், குற்றமும் பின்னணியும் நடந்தது என்ன, உன்னால் முடியும் போன்ற நிகழ்ச்சிகளை வழங்கி வருபவர் கோபிநாத். இவர் தெருவெல்லாம் தேவதைகள், ப்ளீஸ் இந்த புத்தகத்தை வாங்காதீர்கள், நீயும் நானும் உள்பட சில புத்தகங்களையும் எழுதியிருக்கிறார். அந்தவகையில் இவர் ஒரு எழுத்தாளரும்கூட.

நீயா நானா நிகழ்ச்சி மூலம் பெரிய அளவில் பிரபலமாகிவிட்ட இவர், சமீபகாலமாக பள்ளி, கல்லூரிகளில் நடைபெறும் விழாக்களிலும் சிறப்பு விருந்தினராக கலந்து கொண்டு வருகிறார். அப்படி தான் செல்லும்போது, மாணவர்களுக்கு பல அரிய தகவல்களையும் சொல்லும் கோபிநாத், நம்மால் முடியுமா என்ற மனநிலையில் இருப்பவர்களை ஊக்கப்படுத்தும் வகையிலும் சில அனுபவ கருத்துக்களையும் முன்வைக்கிறார்.

அந்த வகையில், ஒரு பள்ளிக்கு சிறப்பு விருந்தினராக சென்றிருந்த கோபிநாத், நம்மால் இது முடியுமா என்று யாரும் தாழ்வு மனப்பான்மையுடன் இருக்கக்கூடாது. நம்மாலும் முடியும் என்ற உறுதியுடன் செயல்பட வேண்டும். என்னை எடுத்துக்கொண்டால், நான் அறந்தாங்கியில் இருந்து சென்னை வந்தபோது, பேருந்தில் ஏறி அமர்ந்தேன். அப்போது பலரும் அவர்களின் இருக்கையை சாய்த்துக்கொண்டு படுத்தனர். ஆனால் என்னால் எனது இருக்கையை எப்படி சாய்ப்பது என்று தெரியவில்லை. அதுபற்றி மற்றவர்களிடம் கேட்கவும் எனக்கு தயக்கம். அதனால் சென்னை வந்து சேருவது வரை சாய்ந்து படுக்க முடியாமல் உட்கார்ந்தபடியே பயணித்தேன்.

ஆனால், சென்னை வந்து இறங்கும்போது, நான் எழும்ப முற்பட்டேன். அப்போது எனது கை இருக்கையின் பக்கவாட்டில் இருக்கும் புஷ்பேக்கில் பட்டு, இருக்கை சாய்ந்தது. இதை அழுத்திதான் அவர்களெல்லாம் சாய்ந்து படுத்தபடி வந்திருக்கிறார்கள் என்பது இறங்கும் இடத்தில்தான் எனக்கு தெரியவந்தது. அந்த அளவுக்கு சென்னைக்கு வரும்போது நான் எதுவும் தெரியாதவனாகத்தான் வந்தேன். அதன்பிறகுதான் நிறைய விசயங்களை தெரிந்து கொண்டேன்.

அதனால் நம்மால் முடியுமா என்று நினைக்காமல், முடியும் என்கிற நம்பிக்கையுடன் செயல்படுங்கள். தயக்கம் கூச்சத்தை விட்டொழித்து விட்டு, எந்த சந்தேகமாக இருந்தாலும் தைரியமாக கேட்க பழகிக்கொள்ளுங்கள் என்று தனது வாழ்க்கையில் நடந்த சம்பவங்களை கதையாக சொல்லி மாணவர்களுக்கு நம்பிக்கையூட்டும் வகையில் பேசி வருகிறார் கோபிநாத்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  மூத்த நடிகர்களை களமிறக்கும் ஆடுகளம் சீரியல்
• 
  டப்பிங் யூனியனில் ரூ.60 ஆயிரம் கட்டினேன் : வருத்தத்தில் ரேவதி பாட்டி
• 
  புதுவீட்டில் பிறந்தநாள் கொண்டாடிய ரச்சிதா
• 
  12,000 பேர் பங்கேற்ற ஆடிஷன் : பட்டய கிளப்ப வருது ‛சரி க ம ப' சீசன் 4
• 
  வருத்தத்தில் ஜாக்குலின்