மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' | மகள் திருமணத்தில் பிசியான ஷங்கர் | மீண்டும் வெளியாகிறது 'அஞ்சான்' | விடுதலைபுலி இயக்கத்தின் அடுத்தகட்ட தலைவர்கள் பற்றிய படம் | பிளாஷ்பேக்: நம்பியாருக்கு பொருத்தமான ஜோடியாக வலம் வந்த டி.கே.சரஸ்வதி |
அமலா நடித்து ஜீ தமிழ் தொலைக்காட்சியில் ஒளிபரப்பாகி வரும் உயிர்மெய் தொடர் முதலிடத்தை நோக்கி முன்னேறிக் கொண்டிருக்கிறது. தமிழ் சேனல்களில் ஒளிபரப்பாகும் முதல் மருத்துவம் தொடர்பான சீரியல் இது. ஷில்பா வி.எஸ்.ராகவன் முக்கிய கேரக்டரில் நடிக்கிறார்க்ள. சுந்தர்.கே.விஜயன் இயக்குகிறார், கிரண் இசை அமைக்கிறார். பத்ரி வெங்கடேசன் கதை, திரைக்கதை எழுதுகிறார்.
டாக்டர்கள், நோயாளிகள் ஆஸ்பத்திரி என்று நகர்ந்த கதை ஆரம்பத்தில் டல் அடித்தது. இதை புரிந்து கொண்ட இயக்குனர் தற்போது கதையின் போக்கை மாற்றியிருக்கிறார். டாக்டர் கவிதா (அமலா) பணியாற்றும் தயானந்தா மெடிக்கல் பவுண்டேஷனில் சொத்து பிரச்னை வருகிறது. தயாவின் மரணத்துக்கு பிறகு அவரின் வாரிசுகள் மருத்துவமனையை இலவசமாக நடத்த விரும்பவில்லை. அதனை பணம் கொழிக்கும் வியாபாரமாக்க நினைக்கிறார்கள். இதனால் டாக்டர் கவிதாவின் கண்காணிப்பில் இருக்கும் ஏழை நோயாளிகள் வெளியேற்றப்படும் சூழ்நிலை வருகிறது. மருத்துவமனையை வியாபாரமாவதை தடுக்கும் அமலாவின் குடும்பத்துக்கு வாரிசுகள் பலவித டார்ச்சர்களை கொடுக்க ஆரம்பிக்கிறார்கள். டாக்டர் கவிதா அவற்றை எதிர்கொள்ள தயாராகிறார். இப்படி கதை இப்போது சூடுபிடித்திருப்பதால் டி.ஆர்.பியில் எகிறி முதலிடத்தை நோக்கி முன்னேறிக்கொண்டிருக்கிறது.