ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
சர்வதேச டிவி ஷோவான 'மாஸ்டர் செப்' என்ற நிகழ்ச்சி தமிழ், தெலுங்கில் ஒரே சமயத்தில் டிவியில் ஒளிபரப்பை ஆரம்பித்தது. தமிழில் நடிகர் விஜய் சேதுபதி தொகுத்து வழங்க, தெலுங்கில் நடிகை தமன்னா தொகுத்து வழங்கி வருகிறார்.
இரண்டு மொழிகளிலுமே இந்த நிகழ்ச்சி பெரிய அளவில் பேசப்படவில்லை. விஜய் டிவியில் ஒளிபரப்பான 'குக் வித் கோமாளி' நிகழ்ச்சி போல பரபரப்பாகப் பேசப்படும் என்று எதிர்பார்த்தவர்களுக்கு ஏமாற்றமே மிஞ்சியது.
தமன்னா போன்ற ஒரு முன்னணி நடிகை தொகுத்து வழங்கியும் தெலுங்கில் ரேட்டிங் மிகவும் மோசமாக இருக்கிறதாம். அதனால் தமன்னாவை நீக்கிவிட்டு அவருக்குப் பதிலாக அனுசுயா என்ற டிவி தொகுப்பாளினி, நடிகையை புதிய தொகுப்பாளராகப் போட உள்ளார்களாம்.
பெரிய நட்சத்திரங்கள் தொகுத்து வழங்கினாலும் ஒரு டிவி நிகழ்ச்சியில் சுவாரசியம் இல்லை என்றால் அதை நேயர்கள் ரசிக்க மாட்டார்கள். இதற்கு முன்பு சில பிரபல நட்சத்திரங்கள் தொகுத்து வழங்கிய சில நிகழ்ச்சிகள் சில வாரங்கள் கூட தாக்குப் பிடிக்காமல் நிறுத்தப்பட்ட வரலாறு உண்டு. அந்த வரிசையில் 'மாஸ்டர் செப்' சேருமா என்பது சீக்கிரமே தெரிந்துவிடும்.