கும்கியை கண்டு பின்வாங்கியது பாலாவின் பரதேசி!

சமீபத்தில் ரிலீசான கும்கி நல்ல வரவேற்பை பெற்றுள்ளதால் பரதேசி படத்தின் ரிலீசை தள்ளி வைத்துள்ளார் பாலா. பாலா இயக்கத்தில் அதர்வா நாயகனாக நடித்துள்ள படம் பரதேசி. இப்படத்தின் போஸ்ட் புரொடக்சன் வேலைகள் அனைத்தும் முடிந்து படம் திரைக்கு வர தயார் நிலையில் இருக்கிறது. இம்மாதம் 21-ம் தேதியில் படத்தை வெளியிட ஏற்கனவே திட்டமிட்டிருந்தார் பாலா. ஆனால் அதற்கு முன்பு இம்மாதத்ததில் வெளியாகியுள்ள நீதானே என் பொன்வசந்தம், கும்கி ஆகிய படங்களின் ரிசல்ட்டை எதிர்பார்த்திருந்தார். ஒருவேளை படங்கள் வெற்றி பெறவில்லை என்றால் தனது படத்தை உடனடியாக களத்தில் இறக்கி விடும் ப்ளானில் இருந்தார்.

ஆனால் இப்போது கும்கி ரசிகர்களின் ஆதரவினை பெற்று ஓடிக்கொண்டிருப்பதால், இந்த நேரத்தில் பரதேசியை வெளியிட்டால் கும்கி கொண்டாட்டத்தில் நாம் காணாமல் போய் விடுவோம் என்று பதுங்கி விட்டார். அதோடு வருகிற 21-ந்தேதி சட்டம் ஒரு இருட்டறை, கள்ளத்துப்பாக்கி, சமர் ஆகிய படங்கள் தயார் நிலையில் இருக்க, தனது படத்தின் ரிலீசை ஜனவரி கடைசிக்கு மாற்றி விட்டார் பாலா.