இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
தாண்டவம் தோல்விக்கு பிறகு விக்ரம் நடிக்கும் படம், முகமூடி தோல்விக்கு பிறகு ஜீவா நடிக்கும் படம் டேவிட். இரண்டு பேருக்குமே அடுத்து ஒரு வெற்றி கட்டாயம் தேவை என்கிற நிலையில் இருவரும் இணைந்து நடித்து வரும் படம் டேவிட். மணிரத்தினத்தின் உதவியாளர் பிஜாய் நம்பியார் இயக்குகிறார். இவர் ஏற்கெனவே சைத்தான் என்ற இந்திப் படத்தை இயக்கி உள்ளார். இந்தக் கதை 1999 மற்றும் 2010ல் நடக்கிறது. 1999ல் மும்பையில் உள்ள கிறிஷ்தவ குடும்பத்தைச் சேர்ந்த ஜீவாவின் அப்பா ஒரு பாதிரியார். சில அமைப்புகள் அவரை அவமானப்படுத்துகிறார்கள். இதனால் ஜீவா சில அதிரடிகளில் இறங்குகிறார். 2010ல் விக்ரம் கோவாவில் ஜாலியான மீனவராக இருக்கிறார். இருவர் பெயரும் டேவிட். இருவர் கதையும் ஒரு புள்ளியில் இணையும் அதுதான் படத்தின் திரைக்கதை. இரண்டு கதை என்பதால் ரத்தினவேலு ஒரு கதைக்கும், வினோத் இன்னொரு கதைக்கும் ஒளிப்பதிவு செய்துள்ளனர். அனிருத் உள்பட 7 இசை அமைப்பாளர்கள் இசை அமைத்துள்ளனர்.
இந்தி தமிழ் இரண்டு மொழியிலும் தயராகிறது. இந்தப் படத்தில் விக்ரம் வேறொரு கேரக்டரில் நடிப்பதாக இருந்தது. ஆனால் கதை கேட்ட விக்ரம் கோவா மீனவன் கேரக்டரில் நடிக்க விருப்பம் தெரிவித்ததை தொடர்ந்த கதையில் சில மாற்றங்களைச் செய்து அந்தக் கேரக்டரை இயக்குனர் விரிவு படுத்தினாராம்.
டேவிட் இருவருக்குமே வெற்றியைக் கொடுப்பாரா? என்பது பிப்ரவரி மாதம் தெரியும்.