இந்தி மங்காத்தாவில் அஜித்! வெங்கட்பிரபு திட்டம்!!

மங்காத்தாவின் இந்திப் பதிப்பில் அஜித்தை நடிக்க வைக்க டைரக்டர் வெங்கட்பிரபு திட்டமிட்டுள்ளார். அஜித்தின் 50வது படம் மங்காத்தா. வெங்கட்பிரபுவின் இயக்கத்தில் உருவான இப்படத்தில் அஜித் நெகட்டிவ் ஹீரோ பாத்திரத்தில் கலக்கியிருந்தார். அர்ஜூன் போலீஸ் அதிகாரி வேடத்தில் நடித்திருந்தார். த்ரிஷா நாயகியாக நடித்திருந்தார். பிரேம்ஜி அமரன், மகத், வைபவ் உள்ளிட்ட பலரும் படத்தில் நடித்திருந்தனர். லட்சுமி ராய்க்கு கவர்ச்சிகரமான பாத்திரம்.

இப்படத்தை இப்போது இந்தியில் ரீமேக் செய்யப் போகிறார் வெங்கட் பிரபு. இதிலும் அஜித்தை நடிக்க வைக்க ஆசைப்படுகிறாராம். இதை அஜித்திடம் தெரிவித்துவிட்ட நிலையில், வெங்கட் பிரபுவின் விருப்பத்திற்கு அஜித் என்ன பதில் சொன்னார் என்பது தெரியவில்லை. இருப்பினும் அடுத்து, தான் நடிக்கப் போகும் புதிய படத்தை முடித்த பிறகே அஜித் வர முடியும் என்று தெரிகிறது. வெங்கட் பிரபுவும் பிரியாணி படத்தில் பிஸியாக இருப்பதால் இப்போதைக்கு இந்தி மங்காத்தா தாமதம் ஆகும் எனத் தெரிகிறது.