அமெரிக்காவில் பைக் விபத்தில் காயம் அடைந்த அனுஷ்கா பட ஹீரோ | சித்தார்த்-அதிதி ராவ்-க்கு நயன்தாரா வாழ்த்து | துபாய் மியூசியத்தில் தனது மெழுகுசிலையுடன் போஸ் கொடுத்த அல்லு அர்ஜுன் | சீரியல் நடிகை அக்ஷிதாவிற்கு நடந்து முடிந்த நிச்சயதார்த்தம்! | என்ன கமெண்ட் இதெல்லாம்? கடுப்பான ரோபோ சங்கர் மருமகன் | டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி |
தமிழ் திரையுலகில் முன்னணி நடிகராக உள்ள சிவகார்த்திகேயன், பல தடைகளை தாண்டி தனது வாழ்க்கையில் முன்னேறியுள்ளார். தற்போது அடுத்தடுத்த படங்களில் பிசியாக நடித்து வருகிறார். அவர் ஏற்கனவே நடித்து வெளிவர காத்திருக்கும் திரைப்படம் 'டாக்டர்'. திரையரங்குகள் மூடப்பட்டுள்ள நிலையில் 'டாக்டர்' படத்தை ஓடிடியில் வெளியிட பேச்சுவார்த்தை நடக்கிறது. இதையடுத்து சயின்ஸ் பிக்ஷன் படமாக உருவாகியுள்ள 'அயலான்' படத்தையும் முடித்துள்ளார்.
தற்போது 'டான்' படத்தில் பிசியாக நடித்து வந்தார். இதில் அவருக்கு கல்லூரி மாணவர் தோற்றம். கொரோனா ஊடரங்கு காரணமாக இந்த படத்தின் படப்பிடிப்பு தற்காலிகமாக நிறுத்தப்பட்டுள்ளது. இதனால் குடும்பத்துடன் பொழுதை கழித்து வருகிறார் சிவகார்த்திகேயன்.
இந்நிலையில் சிவகார்த்திகேயன் மற்றும் நெல்சன் திலீப்குமார் மற்றும் நடிகர் கிங்ஸ்லீ மூவரும் சமீபத்தில் சந்தித்துக் கொண்ட புகைப்படம் இணையத்தில் வைரலாகி வருகின்றது. டான் படம் கல்லூரி கதைக்களத்தை அடிப்படையாக வைத்து எடுக்கப்பட்டு வருவதால் அதற்காக சிவகார்த்திகேயன் வெகுவாக உடல் எடையைக் குறைத்துள்ளதாகத் தெரிகிறது. சமீபத்தில் வெளியான புகைப்படத்தை பார்த்து அதை தெரிந்து கொள்ளலாம். சிவகார்த்திகேயனின் மெலிந்த தோற்றம் ரசிகர்களை ஆச்சர்யப்பட வைத்துள்ளது.