'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் | மே 17ல் வருகிறார் சத்யபாமா | பிளாஷ்பேக் : ஜானகியை காத்த ராமன் | 'மார்க் ஆண்டனி' வெற்றியைத் தக்க வைப்பாரா 'ரத்னம்'? | 'விக்ரம், லியோ, கூலி' - டைட்டில் டீசர் வீடியோ, எது பெஸ்ட்? | 10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் பரஸ்பரம் குற்றச்சாட்டு | ஜன கன மன 2 எப்போது? - இயக்குனர் தகவல் | ஆவேசம் படத்துக்கு சமந்தா பாராட்டு |
தமிழ், தெலுங்கு மொழிகளில் பல வெற்றிப் படங்களில் கதாநாயகியாக நடித்தவர் நடிகை மீனா. 90களில் அனைத்து முன்னணி நடிகர்களுடனும் ஜோடியாக நடித்துள்ளார். பல படங்களில் குழந்தை நட்சத்திரமாக நடித்த மீனாவுக்கு 1990ல் வெளிவந்த தமிழ்ப் படமான 'ஒரு புதிய கதை' படம்தான் முதல் படம். அந்தப் படம் வெற்றி பெறவில்லை. அடுத்து அவர் கதாநாயகியாக ராஜ்கிரணுடன் இணைந்து நடித்த 'என் ராசாவின் மனசிலே' படம்தான் அவருக்கு பெரிய வெற்றியைத் தேடித் தந்தது.
கஸ்தூரிராஜா இயக்கத்தில் இளையராஜா இசையில் வெளிவந்த அந்தப் படம் பெண்களிடம் பெரும் வரவேற்பைப் பெற்ற ஒரு படம். அந்தப் படம் வெளிவந்து 30 ஆண்டுகள் ஆகிவிட்டது. அப்படம் பற்றி இன்று தன்னுடைய டுவிட்டர் பக்கத்தில் நினைவு கூர்ந்துள்ளார் மீனா.
“1991ம் வருடம் ஏப்ரல் 13ம் தேதி வெளியான 'என் ராசாவின் மனசிலே' படம் வெளிவந்து 30 ஆண்டுகள் ஆகிவிட்டது என்பதை மகிழ்ச்சியுடனும் பெருமையுடனும் பகிர்ந்து கொள்ள விரும்புகிறேன். ராஜ்கிரண், கஸ்தூரிராஜா, இளையராஜா சார் ஆகியோருக்கு மிக்க நன்றி. என்னுடைய முதல் சூப்பர் ஹிட் பாட்டு 'குயில்பாட்டு'. ஆசீர்வதிக்கப்பட்ட உணர்வு, நன்றி,” என குறிப்பிட்டுள்ளார்.