கரு.பழனியப்பனின் ஜன்னல் ஓரம்

பார்த்திபன் கனவு, சிவப்பதிகாரம், பிரிவோம் சந்திப்போம், சதுரங்கம் போன்ற படங்களை இயக்கிய கரு.பழனியப்பனுக்கு நடிப்பு ஆச‌ை வர அடுத்து தான் இயக்கிய மந்திரப்புன்னகை படத்தை இயக்கியதோடு மட்டும் இல்லாமல் அப்படத்தின் ஹீரோவாகவும் நடித்தார். இப்போது சிறிது இடைவெளிக்கு பிறகு "ஜன்னல் ஓரம்" என்ற படத்தை இயக்குகிறார். இப்படத்தின் நாயகனாக விமலும், முக்கிய கதாபாத்திரத்தில் மைனா விதார்த்தும், பார்த்திபனும் நடிக்கின்றனர். ஹீரோயினாக பூர்ணாவும், இன்னொரு ஹீரோயினாக வழக்கு எண் 18/9 மனிஷாவும் நடிக்கின்றனர். ஹேமந்த் மூவிஸ் தயாரிக்கும் இப்படத்தின் படப்பிடிப்பு நவம்பர் 26ம் தேதி முதல் துவங்கி கம்பம், குமுளி, வாகமன் போன்ற பகுதிகளில் நடைபெற இருக்கிறது. இதனிடையே இப்படம் மலையாளத்தில் வெளியாகி சூப்பர் ஹிட்டான ஒருபடத்தின் ரீ-மேக் என்று கோடம்பாக்கத்தில் பரவலாக பேச்சு அடிபடுகிறது.