Subscription 
சிறப்புச்செய்திகள்
'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
கமல்ஹாசன், மோகன்லால் ஒப்பீடு ஆரம்பம்?
ஜீத்து ஜோசப் இயக்கத்தில் மோகன்லால், மீனா மற்றும் பலர் நடித்த, 'த்ரிஷ்யம் 2' படம் ஓடிடி தளத்தில் வெளியாகி நல்ல வரவேற்பைப் பெற்று வருகிறது. சமூக வலைத்தளங்களில் சினிமா ரசிகர்கள் இந்தப் படத்தைப் பற்றித்தான் தற்போது அதிகம் விவாதித்துக் கொண்டிருக்கிறார்கள்.
'த்ரிஷ்யம்' படத்தின் முதல் பாகத்தை கமல்ஹாசன், 'பாபநாசம்' என்ற பெயரில் ரீமேக் செய்தார். அப்போதே 'த்ரிஷ்யம்' ஜார்ஜ்குட்டி மற்றும், 'பாபநாசம்' சுயம்புலிங்கம் பற்றிய ஒப்பீடு நடந்தது. இப்போது இரண்டாம் பாகமும் வந்துவிட்டது. இரண்டாம் பாகத்திலும் மோகன்லாலின் யதார்த்த நடிப்பைப் புகழ்ந்து தள்ளிக் கொண்டிருக்கிறார்கள். 'த்ரிஷ்யம் 2' படத்தை கமல்ஹாசன் ரீமேக் செய்தால் மோகன்லால் அளவிற்கு யதார்த்தமாக நடிப்பாரா என்ற விவாதமும், ஒப்பீடும் சமூக வலைத்தளங்களில் மீண்டும் ஆரம்பமாகி உள்ளது.
மலையாள சினிமா ரசிகர்களுக்கும், கமல்ஹாசன் ரசிகர்களுக்கும் இடையே இது பற்றி காரசாரமான மோதல் நடந்து வருகிறது. 'பாபநாசம் 2' வருமா, வராதா என்பது இனிமேல்தான் தெரிய வரும். ஆனால், அதற்குள்ளாகவே சண்டையை ஆரம்பித்துவிட்டார்கள்.
இதனிடையே, மோகன்லால், கமல்ஹாசன் பற்றி 'த்ரிஷ்யம், பாபாநாசம்' படங்களின் இயக்குனர் ஜீத்து ஜோசப் கூறியதாக சமூக வலைத்தளங்களில் பகிர்ந்துள்ளனர். “மோகன்லால் ஒரு பிறவி நடிகர். அவருக்குள்ளேயே யதார்த்தம் கலந்திருக்கிறது. கமல்ஹாசன் ஒரு பயிற்சி பெற்ற நடிகர். அவர் யதார்த்தத்தை தன் கதாபாத்திரத்திற்குள் கொண்டு வருவார்,” எனக் கூறியுள்ளதாகப் பகிர்ந்துள்ளார்கள்.
மற்ற மொழிகளில் வெளியாகி வரவேற்பைப் பெற்ற ஒரு படத்தை ரீமேக் செய்தாலே ஒப்பீடு என்பது கண்டிப்பாக வரும். 'பாபாநாசம் 2' வருவதற்கு முன்பாகவே இந்த ஒப்பீடு ஆரம்பமாகியுள்ளது ஆச்சரியமானதுதான்.
இளையராஜாவிடம் மோகன்பாபு கேட்ட ...
மீம் கலைஞராக நடிக்கும் விஷ்வாநீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி
வாசகர் கருத்து (18)
கமல் . மோகன்லால் பற்றிய விவாதம் ஆரோக்கியமானது.நான் செம்மீன் படத்திலிருந்து மலையாள சினிமாவின்மேல் மிக ப்ரியமுள்ளவன்.யார் சிறந்த நடிகர் என்பது சச்சின் டெண்டுல்கர் டிராவிட், விராட், ஆகிய கிரிக்கெட் வீரர்களில் யார் சிறந்தவர் என்பதை விவாதிப்பது போலாகும்.ஒவ்வொரு வீரற்கும் மிக சிறந்த சில போட்டிகள் இருந்தன.அதைப்போன்று நடிகர்களுக்கும் சில விசேட படங்கள் உள்ளன.சச்சின் குறைந்த ஓட்ட்ங்களில் ஆட்ட்ம் இழந்தபோது டிராவிட் கூடிய ஓட்ட்ங்கள் பெற்றிருப்பர் .இவ்வாறான சந்தர்ப்பங்கள் சின்னமாவிலும் உண்டு.
மோகன்லால் சிறந்த நடிகர் என்பதில் மாற்றுக கருத்தில்லை ஆனால் கமல் மோஹன்லாலை விட சில மடங்கு நடிப்பில் சகல வல்லவன்.
கிரீடம் ஒண்ணு போதும் லால் ஒரு லெஜன்ட் என்று நிரூபிக்க, கமலஹாசனுக்கு தெரிந்ததெல்லாம் கண்ண பிதுக்கி பிதுக்கி காட்டுறதுதான்
தமிழன் என்பதற்காக சொல்லவில்லை.. கமல் கமல் தான். இந்த படத்தில்தான் அவரது நடிப்பு சிறப்பாக இருந்தது என்று சொல்வது அறியாமை. அவர் எவ்வளவோ சிகரங்களை தொட்டவர். மோகன்லால் நடிப்பு சிறப்புதான். ஆனால் அதைவிட யதார்த்தம் கமலின் நடிப்பு. கிளைமாக்ஸ் காட்சியை ஒப்பிட்டு பார்த்தல் புரியும். இது ஓர் உதாரணம்தான்.
பாபப்பநாசம் மற்றும் த்ரிஷ்யம் 1 ஆகிய படங்களின் இறுதி காட்சியை பார்த்தால் தெரியும் யார் சிறந்த நடிகர் என்று. பாப்பநாசத்தில் கமலின் நடிப்பு ஒரு நல்ல மனிதன் தவிர்க்க முடியாத சூழ்நிலையில் தன் குடும்பத்தின் நன்மைக்காக தவறு செய்ததை தன் நடிப்பில் வெளிப்படுத்தி இருப்பார். ஆனால் மோகன்லால் அந்த குற்ற உணர்வை சிறிதும் வெளிப்படுத்தி இருக்கமாட்டார். ஒரு வேலை திரிஷ்யம் படம் வெளியான பிறகு இயக்குனருக்கு இது தெரிந்திருக்கலாம். அதை பாப்பநாசத்தில் சரி செய்திருக்கலாம். இந்த ஒரு காட்சி போதும் இருவரில் யார் சிறந்த நடிகர் என்று சொல்வதற்கு. கமல் இதுவரை ஏற்று நடித்த பாத்திரங்களை ஒரே நடிகரால் நிச்சயம் செய்ய முடியாது. மோகன்லால் சிறந்த நடிகர் என்பதில் எனக்கு மாற்று கருத்து இல்லை. ஆனால் கமலை விட சிறந்த நடிகர் என்று ஏற்று கொள்ள முடியாது. ஜீத்து ஜோசப் மலையாள திரையுலகை சார்ந்தவர். எனவே அவர் மோகன்லாலை பாராட்டி சொல்வது வியப்பில்லை. ஆனால் மோகன்லால் பிறவி நடிகர் என்று சொல்வது நகைப்புக்குரியது. கமல் தன் 4 வயதில் தேசிய விருது பெற்றவர். மோகன்லாலை காட்டிலும் மம்முட்டி அவர்கள் எத்தனையோ நல்ல பாத்திரங்களை செய்துள்ளார்,
நீங்கள் சொல்வது முற்றிலும் உண்மை அது போல கமல்ஹாசன் இந்தியன் மொழிகளில் எலாம் நடித்து இருக்கார் அனா மோகன்லால் மலையாளம் மொழிஇல் மாத்திரமே நடித்து இருக்கிறார் அதனாலேயே கமலுடன் ஒப்பிடுவது மிகப்பெரிய தவறு ....
- நா நா
- நடிகர் : சசிகுமார் ,
- இயக்குனர் :NV நிர்மல்குமார்
- மாயன்
- நடிகர் : வினோத் மோகன்
- நடிகை : பிந்து மாதவி
- இயக்குனர் :ராஜேஷ் கண்ணா
- தேவதாஸ்
- நடிகர் : உமாபதி
- நடிகை : ஐரா ,மனிஷா யாதவ்
- இயக்குனர் :மகேஷ்.ரா
- எங் மங் சங்
- நடிகர் : பிரபுதேவா
- நடிகை : லட்சுமி மேனன்
- இயக்குனர் :எம்எஸ் அர்ஜூன்
