600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா |
கடந்த வருடம் நயன்தாரா நடித்த மூக்குத்தி அம்மன் திரைப்படம் நேரடியாக ஓடிடி தளத்தில் வெளியானது. ஆனால் இந்த வருடம் நயன்தாரா நடிப்பில் முதன்முதலாக வெளியாக இருக்கும் நிழல் படம் தியேட்டர்களில் வரும் மார்ச்-4ல் ரிலீஸாக இருப்பதாக தகவல் வெளியாகியுள்ளது. கடந்த வருடம் மலையாளத்தில் நிவின்பாலியுடன் இணைந்து லவ் ஆக்சன் ட்ராமா என்கிற படத்தில் நடித்த நயன்தாரா அதை தொடர்ந்து தற்போது மலையாளத்தில் நிழல் என்கிற படத்தில் நடித்துள்ளார். .
குஞ்சாக்கோ போபன் கதாநாயகனாக நடிக்கும் இந்தப்படத்தை, ஒளிப்பதிவாளர் அப்பு என்.பட்டாத்திரி என்பவர் இயக்கி வருகிறார். கடந்த அக்-19ல் துவங்கிய இந்தப்படத்தின் படப்பிடிப்பை சுமார் 45 நாட்களிலேயே நடத்தி முடித்துள்ளனர். தற்போது படத்தின் போஸ்ட் புரொடக்சன் பணிகள் நடைபெற்று வருகின்றன. இந்தநிலையில் இந்தப்படத்தை தியேட்டரில் வெளியிடுவதற்கே இந்தப்படத்தின் தயாரிப்பாளர் விரும்புகிறார் என்றும் விரைவில் திரையரங்குகளில் நிலைமை சீராகி விடும் என்பதால் தான் மார்ச்-4ல் படத்தை ரிலீஸ் செய்ய முடிவு செய்துள்ளார் என்றும் சொல்லப்படுகிறது.