ரீ-ரிலீஸ் படங்களால் யாருக்கு லாபம்? | விஜய் கையில் காயம் : ரசிகர்கள் வருத்தம் | ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? |
கடந்த சில மாதங்களுக்கு முன்பு உலகம் சுற்றும் வாலிபன் என்ற புகழ்பெற்ற எம்.ஜி.ஆர் படத்தை உல்டா செய்து வாலிபன் சுற்றும் உலகம் என்ற பெயரில் ஒரு படம் வந்தது. உலகம் சுற்றும் வாலிபன் கதையை அப்படியே காப்பி அடித்து எடுத்தார்கள். அதில் நாமக்கல் எம்.ஜி.ஆர் என்பவர் நடித்திருந்தார். இப்போது பி.சக்ரவர்த்தி என்பவர் சக்கரவர்த்தி திருமகள் என்ற எம்.ஜி.ஆர் படத்தின் பெயரை கொஞ்சம் மாற்றி சக்கரவர்த்தி திருமகன் என்ற பெயரில் ஒரு படத்தை தயாரித்து, நடித்திருக்கிறார்.
அதில் அவரே எம்.ஜி.ஆரைப்போல வேடம் அணிந்து நடித்திருக்கிறார். அவரைப்போல சண்டை போடவும், டூயட்டில் ஆடவும் செய்திருக்கிறார். பார்க்கத்தான் சகிக்கவில்லை. அவர் ஒரு சி.பி.ஐ அதிகாரியாம். குற்றாலத்தில் நடக்கும் மர்ம கொலைகள் பற்றி துப்பறிய வருகிறார். படம் முழுக்க நடக்கிறார். நடக்கிறார் நடந்து கொண்டே இருக்கிறார். அவரையே நினைத்து உருகும் இரண்டு நாயகிகள் வேறு நடிதிருக்கிறார்கள். அவர் படத்தில் உபயோகப்படுத்தியிருக்கும் கோட் சூட்டுக்கான செலவுகூட திரும்ப வரப்போவதில்லை என்று தெரிந்திருந்தும் லட்சக் கணக்கில் செலவு செய்து விளம்பரப்படுத்தியிருக்கிறார்.
பணம் நிறைய இருந்தால் நல்ல இயக்குனர்கள், நல்ல கதைகளோடு வாய்ப்பு தேடி அலைந்து வருகிறார்கள். அவர்களை வைத்து நல்ல படம் எடுக்கலாம். அல்லது நான்தான் நடிப்பேன் என்று நடித்துவிட்டு போகட்டும். மக்கள் திலகம் எம்.ஜி.ஆரை விட்டு விடுங்களேன் ப்ளீஸ்... இதுபோன்ற போலி எம்.ஜி.ஆர்களிடமிருந்து புரட்சித் தலைவர் எம்.ஜி.ஆரை காப்பாற்ற வழியே இல்லையா?