Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

அமீரின் கழுத்தை நெரித்து கொலை செய்யலாம் என தோன்றியது! - ஜெயம் ரவி

25 அக், 2012 - 14:19 IST
எழுத்தின் அளவு:

 வழக்கமாக அமீர் படத்தில் நடிகர்களை பிழிந்து எடுப்பார்கள் என்று கோலிவுட்டில் ஒரு பரவலான செய்தி உள்ளது. பருத்திவீரன் படத்தில் கார்த்தியும்-ப்ரியாமணியும் அப்படத்தின் ஷூட்டிங்கின் போது அமீர் வேலை வாங்குவதை பார்த்து கண்ணீர் விடாத குறையாக கதறி இருக்கிறார்கள். அவர்கள் வரிசையில் இப்போது புதிதாக சேர்ந்திருப்பவர் ஜெயம் ரவி. அமீர் இயக்கத்தில் உருவாகியுள்ள ஆதி பகவன் படத்தின் ஷூட்டிங் கிட்டத்தட்ட 2 ஆண்டுகள் முடிந்து இப்போது திரைக்கு வர தயாராகி கொண்டு இருக்கிறது. இப்படத்தின் பிரஸ் மீட் சென்னையில் நேற்று நடந்தது.

அப்போது பேசிய படத்தின் ஹீரோ ஜெயம் ரவி, ஆதி பகவன் ஷூட்டிங்கில் அமீர் எப்படியெல்லாம் தன்னை பிழிந்து எடுத்தார் என்பதை விளக்கினார். அவர் பேசுகையில், பாங்காக்கில் கிட்டத்தட்ட 60நாட்கள் ஷூட்டிங். அதில் 12 நாட்கள் ராத்திரி பகல் பாராமல் நடித்தேன். கை, காலில் பலத்த அடி, ஓய்வு எடுக்ககூட நேரமில்லாத சூழல். இதை கேள்விப்பட்ட என் குடும்பத்தார் கதறி அழுதே விட்டனர். என்ன மனுஷன் இப்படி வேலை வாங்குகிறான் என்று அமீரை திட்ட ஆரம்பித்துவிட்டனர். எனக்கோ அமீரை கழுத்தை நெரித்து கொலை செய்ய வேண்டும் போல தோன்றியது. அந்தளவிற்கு அவர் மீது எனக்கு கோபம். ஷூட்டிங்கை எப்படா முடித்து விடுவார் என்று ஒவ்வொரு நாளும் தோன்றியது. ஆனால் இப்போ படத்தை பார்க்கும் போது அந்த வலி எல்லாம் மறந்து, படம் நல்லா வந்திருக்குனு தோணுது என்று சொல்லி மேடையில் அமர்ந்தார்.

ரவியை தொடர்ந்து அமீர் பேசும்போது, என்னால் நடிகர்களுடன் டீ சாப்பிட்டு கொண்டு, அரட்டை அடித்து கொண்டு ஜாலியா ஸ்பாட்டில் வேலை பார்க்க முடியாது. கடுமையாக உழைக்கணும் என்று விரும்புவேன். அன்று எடுக்க வேண்டிய ஷாட்டுகள் எல்லாம் நன்றாக வந்தால் தான் அமைதியாவேன். ஆதிபகவன் படத்திற்காக ஜெயம் ரவி ரொம்பவே கஷ்டப்பட்டார். கம்பி மே‌ல் வைத்து ஒரு ஷாட் எடுத்தேன். கிட்டத்தட்ட அது உடையும் அளவிற்கு பல டேக் ஆனாலும், அதை அமைதியா வந்து நடித்து கொடுப்பார் ரவி என்று அமீர் சொன்னதும், ஜெயம் ரவியின் கண்களில் கண்ணீர் வர ஆரம்பித்துவிட்டது. அவரால் அழுகையை கட்டுப்படுத்தவே முடியவில்லை. இறுதியில் அமீர் சொன்ன இன்னொரு விஷயமும் ‌ஹைலைட்டாக அமைந்தது. அது, என்னோட வேலை பார்த்தவர்களில் எந்த நடிகருடன் மீண்டும் படம் பண்ணுவேன் என்று கேட்டால் நிச்சயம் அது ஜெயம் ரவியாகத்தான் இருக்கும் என்று அமீர் சொல்லி முடித்ததும், ரவியின் கண்கள் அப்படியே அமீரை நோக்கி சிரித்ததை நம்மால் உணர முடிந்தது.

Advertisement
கருத்துகள் (22) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து (22)

itashokkumar - Trichy,இந்தியா
06 மார், 2013 - 16:49 Report Abuse
itashokkumar இந்த படத்தை பார்த்தால் எங்களுக்கு தான் எல்லா வலியும் வரும் உங்களுக்கு என்ன.
Rate this:
ஷங்கர் - chennai,இந்தியா
28 அக், 2012 - 01:15 Report Abuse
 ஷங்கர் நல்லா செலக்ட் பண்றங்காய டைட்டில் லு
Rate this:
வடுவூறான் - Chennai,இந்தியா
28 அக், 2012 - 00:47 Report Abuse
 வடுவூறான் இது வழக்கமா நம்ம ஊர் சினிமா காரங்க ஒருத்தர் முதுகை ஒருத்தர் பப்ளிக்கா சொறிஞ்சுகிட்டு பில்ட் அப் குடுப்பாங்க. இதை எல்லாம் போய் சீரியஸா எடுத்துகிட்டு ... போய் வேற வேலை வேட்டியை பாருங்கப்பா
Rate this:
fasis - Nellai,இந்தியா
26 அக், 2012 - 13:08 Report Abuse
 fasis படம் மட்டும் ப்ளாப் ஆச்சு,அவர் பட்ட கஷ்டத்துக்கு ஜெயம் ரவி உங்கள நிஜமாவே கழுத்த அறுத்து கொல்லுவார் ,மறந்துடாதிங்க
Rate this:
prakash - chennai  ( Posted via: Dinamalar Windows App )
26 அக், 2012 - 10:33 Report Abuse
prakash படம் நன்றாக இருந்தா சரி
Rate this:
மேலும் 17 கருத்துக்கள்...

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)

பேஸ்புக் மூலம் கருத்து தெரிவித்தவர்கள்

Advertisement
Advertisement
இதையும் பாருங்க !

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in