Dinamalar

நீர்ப்பறவை என்னை வேறு ஒரு இடத்திற்கு அழைத்து செல்லும்! இசையமைப்பாளர் ரகுநந்தன்!

"தென்மேற்கு பருவக்காற்று" படம் மூலம் திரும்பிய திசை எல்லாம், இசையால் பேச வைத்தவர் ரகுநந்தன். ஜி.வி.பிரகாஷிடம் பல படங்களில் பணிபுரிந்துள்ளார். மேலும் "கிருஷ்ண‌வேணி பஞ்சாலை", "சுந்தரபாண்டியன்" போன்ற படங்களுக்கு இசை அமைத்திருக்கிறார். இவர் இசையில் விரைவில் வெளிவர உள்ள அடுத்தபடம் "நீர்ப்பறவை". இந்தபடம் பற்றிய அவரது இசை அனுபவங்களை நம்மிடம் பகிர்ந்து கொள்கிறார் ரகுநந்தன்.

நீர்ப்பறவை எனக்கு 4வது படம். எனது முதல் படமே(தென்மேற்கு பருவக்காற்று) தேசிய விருதை பெற்றது பெருமைக்குரிய ஒன்று. இதுவரை எனக்கு கிடைத்த படங்கள் கிராமத்து பின்னணியில் அமைந்த கதைகள் தான் என்னை தேடி வந்தன என்று கூட சொல்லலாம். இதையடுத்து நான் இசையமைக்கப்போகும் சில படங்கள் நகரத்து கதைகள் சொல்லப்போகின்றன. என்னைப் பொறுத்த வரை வெறும் சப்தத்தால், இசையை நிரப்ப முடியாது. அதில் ஒரு ஜீவன் இருக்க வேண்டும். அந்த பாட்டிற்கு உயிர் கிடைக்க வேண்டும். அதைத்தான் நான் விரும்புகிறேன். மேலும் இப்போது நான் இசையமைத்துள்ள நீர்ப்பறவையில், ஒரு சிறு முயற்சி செய்துள்ளேன். ஒரு பாடலை 3 விதமாக வெஸ்டர்ன் கிளாசிக்களின் கொண்டு வந்துள்ளேன்.

"பற பற பறவை..." ஒன்று என்று ஆரம்பிக்கும் பாடலை 3 நிலைகளில் கொடுத்துள்ளேன். இப்படத்தின் கடைசிபாடலும் க்ளைமாக்ஸ் பாடலும் இதுதான். ஜி.வி.பிரகாஷ், சின்மயி, ஸ்ரேயா கோஷல் பாடியுள்ளனர். நீர்ப்பறவை படத்தின் கதைக்களம் 1980களில் நடைபெறுவதால், மிக மென்மையான, இசையால் இழையாட விட்டிருக்கிறேன். ஒவ்வொரு காட்சியிலும் இசை கலந்திருக்கும். கிறிஸ்துவ சமுதாயத்தை சார்ந்தும் கதை இருப்பதால், அதுசம்பந்தப்பட்ட இசையையும் கொஞ்சம் சேர்த்துள்ளேன். சர்ச்சில் இருந்து தொடங்கும் "தேவன் மகளே..." என்ற பாடல் மிக அருமையாக அமைந்துள்ளது. நீர்ப்பறவை படத்தில் நடித்த அத்தனை கேரக்டர்களுக்கும் ஒரு பின்னணி இசை அமைத்துள்ளேன். படத்தோடு பார்பதற்கு, கொஞ்சம் சுகமாக இருக்கும். கிட்டத்தட்ட 30நாட்கள் ரெக்கார்டீங் வேலையை செய்துள்ளேன். ஒவ்வொரு படத்துக்கும் உயிர் கொடுத்து தான் வேலை பார்க்கிறேன். ஆனால் இந்தபடத்தில் நான் ஒரு புதிய முயற்சியை செய்திருப்பதாக கருதுகிறேன். நிச்சயம் இந்தப்படம் எனக்கு வேறு ஒரு இடத்திற்கு கொண்டு செல்லும் என்ற நம்பிக்கையோடு காத்திருக்க‌ிறேன் என்று சொல்லி முடித்தார்.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் ...
• 
  'ஆதிசக்தி' : புதிய பயணத்தை துவங்கிய சம்யுக்தா
• 
  ரீ-ரிலீஸ் ஆகும் ‛மங்காத்தா'
• 
  மகாபாரத கதையை 2 பாகங்களாக இயக்கும் லிங்குசாமி
• 
  இன்ஸ்டா கணக்கு நீக்கம் : யுவன் விளக்கம்