நாடக கலைக்கு அழிவில்லை: ஒய்.ஜி.மகேந்திரன்

  சினிமாவில்,  காமெடி,  குணசித்திர வேடங்களில் நடித்திருக்கும் ஒய்.ஜி.மகேந்திரன்,  யுனைட்டெட் அமெச்சூர் ஆர்டிஸ்ட் என்ற பெயரில், நாடகக்குழுவை நடத்தி வருகிறார். இதன்  60ம் ஆண்டு விழாவை அவர் கோலாகலமாக கொண்டாடப் போகிறார். "கலை வடிவத்தில் எவ்வளவோ நவீன மாற்றங்கள் வந்த பிறகும், நாடக கலையை மறக்காமல் இருக்கிறீர்களே என, கேட்டபோது, "இந்த நாடக குழுவை,  என் தந்தை துவங்கினார். அவருக்கு பின்,  நான் அதை நடத்தினேன்.  என் மகள் மதுவந்தி,  அதை நடத்தும் பொறுப்பை தற்போது ஏற்றுள்ளார்.  மூன்று தலைமுறை கண்ட அந்த நாடகக் குழுவில் இருந்து தான்,  பல  நடிகர் - நடிகைகள், எழுத்தாளர்கள், சினிமாவுக்கு வந்து பிரபலமாயினர்.  நாடகத்துல நடித்தவர்கள், சினிமாவில் ரீ-டேக் வாங்குவது இல்லை. கலை வடிவத்தில் மாற்றங்கள் வந்திருந்தாலும் நாடகக்கலைக்கு எப்பவுமே அழிவு இல்லை என்றார்.