அட்டகத்தி நந்திதா போடும் அதிரடி கண்டிசன்?

அட்டகத்தி படத்தில் நாயகியாக நடித்தவர் நந்திதா. கன்னடத்து நடிகையான இவர் அஙகு ஒரு படத்தில் நடித்திருந்த நிலையில்தான் தமிழ்ப்படத்தில் கமிட்டானார். ஆனால் கன்னட படம் வெற்றி பெறாதபோதும், தமிழ் படம் வெற்றி பெற்று நந்திதாவுக்கு நல்லதொரு என்ட்ரியை கொடுத்து விட்டது. அதனால் தாய்மொழி படங்களை ஓரங்கட்டிவிட்டு தமிழில் முழுநேர நடிகையாகப்போவதாக கோடம்பாக்கத்தில் கொடி ஏற்றியிருக்கிறார் நந்திதா.

தற்போது நளனும் நந்தினியும் என்ற படத்தில் கமிட்டாகியிருக்கும் அவர், தன்னிடம் கதை சொல்ல படையெடுக்கும் இயக்குனர்களிடம் பல தரப்பட்ட கண்டிசன்களை அள்ளி போடுகிறார். முக்கியமாக, கவர்ச்சி என்ற பேச்சே என்னிடம் பேசக்கூடாது. ஸ்டார் ஹோட்டலில்தான் தங்குவேன். ஸ்பாட்டில் கண்டிப்பாக கேரவன் வேண்டும். இந்த மாதிரி தனக்கு வசதிகள் செய்து தரும் கம்பெனியாக இருந்தால் மட்டுமே டைரக்டர்களிடம் கதை கேட்கிறார். இல்லையேல் கதை பிடிக்கவில்லை என்றொரு பதிலை சொல்லி ஓரங்கட்டி விடுகிறார்.