வீட்டில் நான் உதவாக்கரை: சோஹா அலி கான்

சயீப் அலி கானுக்கும், கரீனா கபூருக்கும் விரைவில் திருமணம் நடக்கவுள்ளது. சயீப்பின் சகோதரியும், நடிகையுமான சோஹா அலி கான், திருமண வேலைகளில்  "பிசியாக இருப்பாரோ என, நினைத்தால், அதுபற்றி எந்த கவலையும்  இல்லாமல், உற்சாகமாக படப்பிடிப்புகளில் பங்கேற்று வருகிறார். இதுகுறித்து அவரிடம் கேட்டபோது,"என் குடும்பத்தில், எனக்கு உதவாக்கரை என்ற பெயர் வைத்துள்ளனர். குடும்ப விஷயங்களில் நான் தலையிடுவதே இல்லை. சயீப் திருமணத்தன்று, தலையை காட்டுவதோடு சரி. திருமண நிகழ்ச்சியில் அணிந்து கொள்வதற்காக, என் தாயார், எனக்காக ஸ்பெஷலாக ஒரு உடையை வாங்கி வைத்திருக்கிறாராம். ஆனால், அது என்ன உடை என தெரியவில்லை. ஒரே சஸ்பென்சாக இருக்கிறது என்கிறார்.