பாஸ்க்கு ஹீரோயின் கிடைச்சாச்சு

சசிகலாவின் உறவினர் பாஸ்கரன் அறிமுகமாகும் படம் தலைவன். பாஸ்கரன் தன் பெயரையும் பாஸ் என்று சுருக்கிக் கொண்டுள்ளார். அதிரடி ஆக்ஷன், பன்ஞ் டயலாக், கலர் கலராய் வெளிநாட்டு டூயட் என்று ஒரு டாப் ஆக்ஷன் ஹீரோவின் படத்துக்கான அத்தனை அம்சங்களுடனும் பக்காவாக தயாராகப்போகிறது தலைவன். விஜயகாந்த் நடித்த உளவுத்துறை படத்தை இயக்கிய ரமேஷ் செல்வன்தான் இயக்குனர். சந்தானம் ஹீரோவுக்கு நண்பனாக வந்து காமெடி செய்ய இருக்கிறார். சுமன் வில்லனான உருமப்போகிறார். துணை வில்லன் வின்செண்ட் அசோகன், செண்டிமெண்டுக்கு ஜெயபிரகாஷ், இளவரசு இருக்கிறார்கள். ஜாபர் கதை எழுதியுள்ளார். ஜி.வி.பிரகாஷ் இசை அமைக்கிறார். அந்தோணி எடிட்டர். அனல் அரசு சண்டை இயக்குனர், எப்படி டாப் மோஸ்ட் டெக்னீஷியன்களுக்கு ஹெவி பேமெண்ட் பேசி பிக்ஸ் செய்திருக்கிறார்கள். சண்டை காட்சிகள் பின்னி மில், பாடல் காட்சிகள் சுவிட்சர்லாந்த் என்று மாஸ்டர் பிளானோடு ஆரம்பித்திருக்கிறார்கள்.

எல்லாம் இருந்தும் ஹீரோயின் கிடைக்காமல் இருந்தது. சிவந்த மேனியும் ஒல்லி உடம்பும் கொண்டு நார்த் இண்டியன் ஹீரோயின்தான் வேண்டும் என்று பாஸ் அடம்பிடிக்க தனிப்படை போட்டு தேடினார்கள். ஹன்சிகா, அனுஷ்கா, தமன்னா என்று தனிப்படை விரட்ட அவர்கள் ஓட்டம் பிடித்தார்கள். கடைசியல் லட்சங்களை தாராளமாக அள்ளிப்போட்டதில் நிகாஷாவும், சனாகானும் சிக்கினார்கள். பாஸின் ஆசை நிறைவேறியது.