தனுஷ்-அமலாபால் கூட்டணி...! 3-ல் தொடராதது இப்போது சொட்டவாழக்குட்டியில் தொடருது!

  தனுஷ் நடித்து சமீபத்தில் வெளிவந்த 3 படத்திலேயே அவருக்கு ஜோடி சேர வேண்டியவர் அமலா பால். ஆரம்பத்தில் இந்தபடம் ஆரம்பிக்கப்பட்டபோது முதலில் நடிக்க ஒப்பந்தமானவர் அமலாபால் தான். பின்னர் திடீரென அப்படத்தில் இருந்து விலகினார். படத்தில் முத்தக்காட்சி இருந்ததால் தான் அமலாபால் இப்படத்திலிருந்து விலகினார் என்று கூறப்பட்டது. இந்நிலையில் மீண்டும் தனுஷூடன் நடிக்க அவருக்கு இன்னொரு வாய்ப்பு கிடைத்துள்ளது. களவாணி, வாகைசூட வா படங்களின் டைரக்டர் சற்குணம் அடுத்து, தனுஷை வைத்து ஒரு படத்தை இயக்க உள்ளார். சொட்டவாழக்குட்டி என்று பெயரிடப்பட்டுள்ள இப்படத்தின் ஷூட்டிங் விரைவில் தொடங்க இருக்கிறது. இதில் தனுஷூ ஜோடியாக அமலாபால் தான் நடிக்க ஒப்பந்தமாகி இருப்பதாக தெரிகிறது. விரைவில் இதுப்பற்றிய அதிகாரப்பூர் அறிவிப்பு வெளியாகும் என்று எதிர்பார்க்கப்படுகிறது.