மார்க்கெட் சரிவு! அதிர்ச்சியில் மீரா ஜாஸ்மீன்!!

மலையாள பட உலகில் தனது மார்க்கெட் சரிந்து வருவதால் அதிர்ச்சியில் இருக்கிறாராம் நடிகை மீரா ஜாஸ்மீன். மலையாளம் மட்டுமல்லாமல் தமிழிலும் நல்ல படங்களில் நடித்து நல்ல நடிகை என்று பெயரெடுத்தவர் மீரா ஜாஸ்மீன். சமீப காலமாக தமிழ், மலையாளத்தில் புதுப்படங்களுக்கு அவரை யாரும் ஒப்பந்தம் செய்யவில்லை. தற்போது லிசமாயிடே வீடு என்ற மலையாள படத்தில் மட்டும் நடித்து வருகிறார்.

தமிழில் அவர் கடைசியாக நடித்த மம்மட்டியான், ஆதி நாராயணா ஆகிய இரு படங்கள் கடந்த வருடம் ரிலீசாயின. அதற்கு பிறகு படங்கள் இல்லை. மலையாள திரையுலகில் புதுமுக நடிகைகளுக்கு மவுசு அதிகரித்துள்ளது. கடந்த சில மாதங்களாக ரிலீசான படங்களில் புதுமுகங்களே நடித்து இருந்தனர். தற்போது மீரா ஜாஸ்மின் இடத்தை நடிகை ரீமா கல்லீங்கள் பிடித்து இருப்பதாக கூறப்படுகிறது. மீராவுக்கு வந்த பட வாய்ப்புகள் சில ரீமாவுக்கு கைமாறி விட்டனவாம். இதனால் மீரா ஜாஸ்மீன் அதிர்ச்சி மற்றும் கவலையில் இருக்கிறாராம்.