Dinamalar

மணிரத்னத்தின் கடலில் இருந்து சமந்தா விலகல்! ராதாவின் 2வது மகள் ஹீரோயின் ஆனார்!!

 மணிரத்னத்தின் கடல் படத்தில் இருந்து சமந்தா திடீரென விலகியதையடுத்து, அவருக்கு பதில் ஹீரோயினாக ராதாவின் 2வது மகள் துளசி களம் இறங்க உள்ளார். ராவணன் படத்திற்கு டைரக்டர் மணிரத்னம் இயக்கி வரும் புதிய படம் கடல். இப்படத்தின் ஹீரோவாக நவரச நாயகன் கார்த்திக்கின் மகன் கவுதம் நடிக்கிறார். இவருக்கு ஜோடியாக சமந்தா நடிக்க ஒப்புக்கொள்ளப்பட்டு படத்தின் ஷூட்டிங்கும் கடந்த மாதம் தொடங்கியது. மீனவர்களின் வாழ்க்கையையும், அதில் ஒரு அழகான காதலையும் சேர்த்து இப்படத்தை இயக்கி வருகிறார் மணி.

ஷூட்டிங் நடந்து வந்தநிலையில் சமந்தா, திடீரென இப்படத்தில் இருந்து விலகுவதாக அறிவித்துள்ளார். இதற்கான காரணம் தெரியவில்லை. சமீபகாலமாகத்தான் தமிழில் நிறைய பட வாய்ப்புகள் சமந்தாவுக்கு குவிந்து வருகிறது. தற்போது நீதானே என் பொன்வசந்தம், ஷங்கர் படம், இதுதவிர வெங்கட்பிரபு என்று வரிசையாக படங்கள் வருகிற வேலையில் கடல் படத்தில் இருந்து சமந்தா திடீரென விலகியிருப்பது ஏன்.? எதற்கு...? என்று ஆயிரத்து எட்டு கேள்விகள் சமந்தாவை நோக்கி எழ ஆரம்பித்து இருக்கிறது. ஆனால் இதுவரை சமந்தா எந்தபதிலும் சொல்லவில்லை.

இதனிடையே சமந்தா விலகியதை அடுத்து, அந்த இடத்திற்கு மாஜி கதாநாயகி ராதாவின் 2வது மகள் துளசியை அணுகியுள்ளார் மணிரத்னம். அவர்களும் ஓ.கே. சொல்லியுள்ளதாக தெரிகிறது. ஏற்கனவே தனது மூத்த மகள் கார்த்திகாவை ஹீரோயினாக களம் இறக்கியுள்ள ராதா, இப்போது தனது 2வது மக‌ள் துளசியையும் ஹீரோயினாக்கியுள்ளார். அதுவும் முதல்படமே மணிரத்னம் படம்.

1981-ம் ஆண்டு கார்த்திக்கும், ராதாவும் பாரதிராஜாவின் அலைகள் ஓய்வதில்லை படத்தில் அறிமுகமானார்கள். அதேபோல் கிட்டத்தட்ட 30 ஆண்டுகளுக்கு பிறகு அவர்களின் வாரிசுகளும் ஒரே படம் (கடல்) மூலம் ஹீரோ-ஹீரோயினாக அறிமுகமாக இருப்பது குறிப்பிடத்தக்கது.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்