சின்னத்திரையில் இரட்டை வேடத்தில் ஒய்.ஜி.மகேந்திரன்!

வெள்ளித்திரையில் தனக்கென காமெடியில் தனி பாணி உருவாக்கியவர் ஒய்.ஜி.மகேந்திரன். நீண்ட காலமாக வெள்ளித்திரையில் தலைகாட்டாத அவர், சின்னத்திரையில் மட்டும் அவ்வப்போது தலைகாட்டி வருகிறார். அந்த வகையில் வசந்த் டி.வியில் ஒளிப்பரப்பாக உள்ள புதிய நகைச்சுவை தொடரில் இரட்டை வேடத்தில் நடித்து வருகிறார். ஆல் இன் ஆல் ஆறுமுகம் என்று பெயரிடப்பட்டுள்ள இந்த தொடரில் சென்னையில் வசிக்கும் ரவுடி, கிராமத்தில் வசிக்கும் ரவுடி என இரு மாறுபட்ட கதாபாத்திரங்களில் நடித்துள்ளார். விரைவில் ஒளிபரப்பாக உள்ள இந்த நகைச்சுவைத் தொடரை ஜெயமணி என்பவர் இயக்கியுள்ளார்.