வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம் | இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் |
சிவா இயக்கத்தில் இமான் இசையமைப்பில் அஜித், நயன்தாரா மற்றும் பலர் நடித்த 'விஸ்வாசம்' டிரைலர் நேற்று(டிச.,30, ஞாயிறு) மதியம் 1.30 மணிக்கு யு டியூபில் வெளியிடப்பட்டது. இதற்கு முன்பு வெளிவந்த டிரைலர்களின் சாதனையை இந்த டிரைலர் முறியடித்தது. சுமார் 7 மணி நேரத்தில் 10 லட்சம் லைக்குகள், 9 மணி நேரத்தில் 1 கோடி பார்வைகளைக் கடந்தது.
அதன்பின் டிரைலருக்கான பார்வையும், லைக்குகளும் எதிர்பார்த்த அளவிற்கு அதிகமாகவில்லை. கடந்த 24 மணி நேரத்தில் மேற்கொண்டு 1 லட்சம் லைக்குளும், கடந்த 19 மணி நேரத்தில் 38 லட்சம் பார்வைகளும்தான் கூடுதலாகக் கிடைத்துள்ளது. தற்போது(மாலை 6 மணி) 11 லட்சம் லைக்குகள், 1 கோடியே 38 லட்சம் பார்வைகள், 93 ஆயிரம் கமெண்ட்டுகளுடன் இருக்கிறது.
'சர்கார்' படத்திற்கு டிரைலர் வெளியாகவில்லை, ஆனால் டீசர் வெளியாகியது. அதனுடன் ஒப்பிடுகையில் 'சர்கார்' டீசர் 24 மணி நேரத்தில் 1 கோடியே 60 லட்சம் பார்வைகளைப் பெற்றது. 12 லட்சம் லைக்குகளையும், 1 லட்சம் கமெண்ட்டுகளையும் பெற்றது.
24 மணி நேரத்தில் சாதனை புரிந்த தமிழ் சினிமா டீசர்/டிரைலர் சாதனையில் இன்னமும் 'சர்கார்' தான் முதலிடத்தில் உள்ளது. அந்த சாதனையை 'விஸ்வாசம்' டிரைலரால் முறியடிக்க முடியவில்லை.
'விஸ்வாசம்' டிரைலர் 'சர்கார்' சாதனையை சாதாரணமாக முறியடித்துவிடும் என்று நினைத்து அஜித் ரசிகர்களின் நம்பிக்கை பொய்யாகிப் போனது. இருப்பினும் 'விஸ்வாசம்' டிரைலர் தொடர்ந்து யு டியூப் டிரென்டிங்கில் முதலிடத்தில் உள்ளது. அது மட்டுமே ஒரு ஆறுதல். அதுவும் நாளைக்கு மாறினாலும் ஆச்சரியப்படுவதற்கில்லை.
அதேசமயம், விஸ்வாசம், சமீபத்தில் வெளியான பேட்ட டிரைலரின் சாதனையை முறியடித்தது. 24மணிநேரத்தில் பேட்ட டிரைலர் 1.10 கோடி பார்வைகளும், 5 லட்சம் லைக்குகளையும் கடந்தது. தற்போது வரை நான்கு நாட்கள் கடந்த நிலையில் அந்த டிரைலருக்கு 1.54 கோடி பார்வைகளும், 6.40 லைக்குகளும் கிடைத்தன. இந்த சாதனையை விஸ்வாசம் இரண்டு நாட்களுக்குள் முறியடித்திருக்கிறது.