டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
இசையமைப்பாளர் இளையராஜா, சேலத்தில் தனியார் கல்லூரி விழாவில் பங்கேற்றார். அப்போது மாணவர்கள் மத்தியில் பேசிய இளையராஜா, தன் இளமைகாலம் குறித்த பல்வேறு விஷயங்களை பகிர்ந்தார். குறிப்பாக தான் எப்படி இசையமைக்க வந்தேன் எனவும் கூறினார்.
தொடர்ந்து அவர் பேசுகையில், ஒரு பாடலை எத்தனை முறை கேட்டாலும் அன்றைக்கு தான் கேட்ட மாதிரி இருக்க வேண்டும். அது தான் நல்ல பாடலாக இருக்கும். நேற்று இருந்த மாணர்வகள் இன்று இல்லை, ஆற்றில் தண்ணீர் போல் புதிய நீரோட்டமாக இருக்க வேண்டும். நான் இசையமைத்த படங்கள் 1000 தாண்டி சென்றுவிட்டது. அதற்கு கணக்கே இல்லை.
பெரியகுளத்தில் இருந்து வைகை அணைக்கே பயணித்ததே எனது முதல் பேருந்து பயணம். அங்கு, நான் சம்பாதித்த ரூ.7 பணம் கொடுத்த மகிழ்ச்சி, இவ்வளவு காலம் சம்பாதித்த பணத்தில் கிடைக்கவில்லை.இசையமைப்பாளர்கள் காப்பி அடிக்காமல் சொந்தமாக சிந்தனை கொண்டிருக்க வேண்டும்.
பறையிசை, வில்லுப்பாடல் உள்ளிட்ட பாரம்பரிய இசையை பாதுகாக்க வேண்டும் எனில், தொழில் நுட்பம் பெயரில் உருவாக்கப்படும் இசையை கேட்பதை நிறுத்த வேண்டும்.
இவற்றை விரும்பி கேட்பதால் தான், பாரம்பரிய இசைகள் அழிந்து வருகின்றன.
பாரம்பரிய இசை கலைஞர்கள், அடுத்த தலைமுறையினருக்கு, அதை கற்றுக்கொடுக்க வேண்டும். அப்போதுதான், அதை அழிவிலிருந்து காக்க முடியும்.
யார் முன்னால், மனம் அமைதியாகிறதோ, அவர்தான் குரு. நான் தினமும், பாரதியாரை சந்தித்துக் கொண்டிருக்கிறேன். அவரை நினைத்தாலே இசை கசிந்து ஓடுகிறது.
இவ்வாறு அவர் பேசினார்.