600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா |
இன்றைக்கு தொலைக்காட்சியில் படம் பார்க்கிறவர்கள். ஏதாவது பழைய கருப்பு வெள்ளை படத்தில் ஒரு காமெடி நடிகரை பார்ப்பார்கள். தன் அகன்ற விழிகளால் சிரிக்க வைப்பார். அவர் டி.ஆர்.ராமச்சந்திரன் என்பதும், அவர் 25 படங்களில் ஹீரோவாக நடித்தவர் என்பதும், அவர் ஹீரோவாக நடித்த படத்தில் நடிகர் திலகம் சிவாஜி 2வது ஹீரோ என்பதும், அவரது கால்ஷீட்டுக்காக பல நிறுவனங்கள் காத்திருந்ததும் பலருக்குத் தெரியாது. அவரைப் பற்றிய சின்ன பிளாஷ்பேக்.
காமெடி நடிகர்கள் ஹீரோவாக நடிப்பதற்கு என்று தனியாக கதை எழுதுவது தொடங்கியது டி.ஆர்.ராமச்சந்திரனுக்குத்தான். இவர் ஹீரோவாக நடித்த 'கல்யாணம் பண்ணியும் பிரம்மச்சாரி' படத்தில், அன்று முன்னணி நாயகனாக வளர்ந்துவிட்ட சிவாஜி இரண்டாவது ஹீரோவாக நடித்தார் . அதில் சிவாஜிக்கு ஜோடி பத்மினி என்றால் ராமச்சந்திரனுக்கு ஜோடி ராகினி. நகைச்சுவை நாயகனாக அடைந்த வெற்றியால், ராகினி மட்டுமல்ல, வைஜெயந்திமாலா, அஞ்சலிதேவி, சாவித்ரி, ரஞ்சனி எனப் பல முன்னணிக் கதாநாயகிகள் இவருக்கு ஜோடியாக நடித்தார்கள்.
டி.ஆர். ராமச்சந்திரன் நாடகம் வழியாக சினிமாவுக்கு வந்தவர். 25 படங்களில் கதாநாயகனாக நடித்த இவர், அதன் பிறகு நகைச்சுவை, குணச்சித்திர கதாபாத்திரங்களில் சுமார் 30 ஆண்டு காலம் நிலையான செல்வாக்குடன் சாதனை படைத்தவர்.
40களில் செல்வச் செழிப்புடன் வளர்ந்த மேட்டுக்குடி இளைஞர்களைப் பிரதிபலிக்கும் காமெடி கதாபாத்திரங்களில் வெளுத்துக் கட்டியவர். முட்டாள்தனம், புத்திசாலித்தனம் ஆகியவற்றின் கலவையுடன் தனது அபாரமான உடல்மொழியால் ரசிகர்களை வயிறுகுலுங்கச் சிரிக்கவைத்தவர். 50க்கும் அதிகமான படங்களில் தனக்கான பாடல்களைப் பாடி நடித்த இவர், ரசனையுடன் பல படங்களைத் தயாரித்தும் நடித்திருக்கிறார். திரைப்படங்களிலிருந்து ஓய்வுபெற்றபின் அமெரிக்காவில் தன் மகள்களுடன் வசித்துவந்தார். கடந்த 1990-ம் ஆண்டு, இதய அறுவை சிகிச்சையின்போது காலமானர்.