'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு |
16வது சென்னை சர்வதேச திரைப்பட விழா நாளை (13ந் தேதி) தொடங்கி வருகிற 20ந்தேதி வரை நடைபெறுகிறது. தமிழக அரசின் ஆதரவுடன் இண்டோ சினி அப்ரிசியேஷன் பவுண்டேஷனால் ஏற்பாடு செய்யப்பட்டுள்ள இந்த விழாவில், 59 நாடுகளில் இருந்து, 159 திரைப்படங்கள் திரையிடப்படுகிறது. தேவி சினிப்ளக்ஸ், அண்ணா தியேட்டர், கேசினோ, சத்யம் சினிமாஸ், தாகூர் திரைப்பட மையம், ரஷ்யன் அறிவியல் மற்றும் கலாச்சார மையம் ஆகிய திரையரங்குகளில் படங்கள் திரையிடப்படுகின்றன.
இதன் தொடக்க விழா கலைவாணர் அரங்கத்தில் நாளை மாலை 6.15 மணிக்கு நடைபெறுகிறது. சிறப்பு பிரதிநிதிகளாக ரசூல் பூக்குட்டி (சவுண்ட் டிசைனர்), இயக்குநர் ஷில்பா (சிங்கப்பூர்), இயக்குநர் அபு ஷேஹெட் எமோன் (வங்காள தேசம்), இயக்குநர் நைனா சென் (ஆஸ்திரேலியா) ஆகியோர் கலந்து கொள்கிறார்கள்.
இந்த விழாவுக்காக தமிழக அரசு 75 லட்சம் ரூபாய் நிதி உதவி வழங்கி உள்ளது. தமிழக அரசின் தலைமை செயலகத்தில் முதல்வர் எடப்பாடி பழனிச்சாமி, சர்வதேச திரைப்பட விழா குழுவினரிடம் இதனை வழங்கினார். அப்போது செய்தி விளம்பரத்துறை அமைச்சர் கடம்பூர் ராஜு, தலைமை செயலாளர் கிரிஜா வைத்தியநாதன், ஆகியோர் உடன் இருந்தனர். தமிழக அரசு இதுவரை சென்னை சர்வதேச திரைப்படவிழாவுக்கு 3 கோடியே 25 லட்சம் நிதி வழங்கியிருப்பதாக அரசு விடுத்துள்ள செய்தி குறிப்பில் கூறப்பட்டுள்ளது.