2.0 முதல் நாள் வசூல் ஏற்றமா? ஏமாற்றமா?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

2.0 முதல் நாள் வசூல் ஏற்றமா? ஏமாற்றமா?

30 நவ, 2018 - 16:59 IST

எழுத்தின் அளவு:

இந்தியத் திரையுலகத்தின் முதல் மிகப் பெரும் பட்ஜெட் படம் என சொல்லப்பட்ட 2.0 படம் நேற்று உலகம் முழுவதும் வெளியானது. இப்படம் எந்த பண்டிகை நாளிலும், விடுமுறை நாளிலும் வெளிவராமல் சாதாரணமான ஒரு நாளில் வெளிவந்துள்ளது. மேலும், படம் 3டி முறையில் பல தியேட்டர்களில் வெளியிடப்பட்டுள்ளது. அதனால், இந்தப் படத்தை முந்தைய ரஜினி படங்களுடனோ, மற்ற படங்களுடனோ ஒப்பிட்டுப் பார்க்க முடியாது என திரையுலக வசூல் வல்லுனர்கள் கூறுகிறார்கள்.

ஆனாலும், நேற்று தமிழ்நாட்டில் 18 கோடி தான் இப்படம் வசூலித்திருக்கிறது என்கிறார்கள். ஆந்திரா, தெலுங்கானாவில் 18 கோடியும், கேரளாவில் 4 கோடியும், கர்நாடகாவில் 8 கோடியும், வட இந்தியாவில் 20 கோடியும் வசூலித்துள்ளதாக ஒரு கணக்கு சொல்கிறார்கள். ஆக, இந்தியாவில் மட்டும் முதல் நாளில் மொத்தமாக 68 கோடி வரையில் வசூலித்திருக்கலாம். வெளிநாடுகளில் 30 கோடி வசூலித்திருந்தால் 2.0 ஒரே நாளில் 100 கோடி வசூலைத் தாண்டியிருக்க வாய்ப்புள்ளது.

படத்திற்கு இருவிதமான விமர்சனங்கள் வெளிவந்துள்ளன. சிலர் படம் குழந்தைகளுடன் பார்க்க வேண்டிய கொண்டாட்டமான படம் என்கிறார்கள். சிலர், இது ரஜினிகாந்த் படம் போலவே இல்லை, ஏன் 'எந்திரன்' படம் போல கூட இல்லை என்று சொல்கிறார்கள். ஆனாலும், நாளையும், நாளை மறுதினமும் விடுமுறை நாள் என்பதால் முன்பதிவு நிறைவாக உள்ளது. அதன்பின் திங்கள் கிழமைக்கு மேல் தியேட்டர்களுக்கு மக்கள் வந்தால் படம் வெற்றி, இல்லை என்றால் நஷ்டம் வரவும் வாய்ப்புள்ளது என்பதே சிலரின் கருத்தாக உள்ளது.

2point0

rajinikanth

akshaykumar

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய