கஜா பாதிப்பு : சத்தமின்றி களத்தில் உதவும் தனுஷ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

28 நவ, 2018 - 16:29 IST

எழுத்தின் அளவு:

கஜா புயலின் கோரத்தாண்டம் டெல்டா மாவட்டங்களை எந்தளவுக்கு பாதித்திருக்கிறது என தமிழ்நாடே அறியும். ஊருக்கே சோறுப்பட்ட அந்த மக்கள் கையேந்தி நிற்பது பார்ப்பவர்களை கண்கலங்க செய்கிறது. பாதிக்கப்பட்ட மக்களுக்கு அரசியல்வாதிகளையும் தாண்டி பொது மக்களும், தன்னார்வலர்களும், திரைப்பிரபலங்களும் உதவி வருகின்றனர்.

திரைப்பிரபலங்களை பொருத்தமட்டில் பலர் நிதியுதவி அளித்துள்ளனர். சிலர் ரசிகர்கள் மூலம் உதவி வருகின்றனர். நடிர் தனுஷ், தனது ரசிகர்மன்றம் மூலமாக கடந்த ஒருவாரத்திற்கு மேலாக உதவி வருகிறார். தனுஷ் ரசிகர் மன்றத்தின் தலைவரான சுப்ரமணிய சிவாவின் தலைமையில் ரசிகர்கள் குழுவாக நாகை, திருவாரூர், புதுக்கோட்டை மற்றும் தஞ்சாவூர் ஆகிய மாவட்டத்திற்கும் உதவி வருகின்றனர்.

இதற்காக தஞ்சாவூர் மாவட்டத்தில் திருமணம் மண்டபம் ஒன்றை வாடகைக்கு எடுத்து நிவாரண பொருட்களை வாங்கி பிரித்து கொடுத்து வருகின்றனர். அரிசி, பருப்பு, உடைகள், காய்கறிகள், போர்வைகள், பாத்திரங்கள் என ஒரு குடும்பத்திற்கு தேவையான அனைத்து பொருட்களையும் வழங்கி வருகின்றனர். ஒவ்வொரு மாவட்டத்திற்கும் தலா 1500 குடும்பங்களுக்கு உதவும் வகையில் இவர்கள் பணியாற்றி வருகின்றனர். நிவாரண பொருட்களுக்காக தனுஷ், ரூ.30 லட்சம் வழங்கி இருப்பதாக கூறப்படுகிறது. இதுதவிர தனுஷ் மன்ற ரசிகர்களும், நிர்வாகிகளும் தனித்தனியாக புயலால் பாதிக்கப்பட்ட மக்களுக்கு உதவி வருகின்றனர்.

dhanush

gajacyclone

savedelta

கருத்துகள் (0) கருத்தைப் பதிவு செய்ய

மறக்க முடியுமா? - வெயில்

மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய