ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
மொத்த கேரளாவும் சபரிமலை விவகாரத்தில் தகித்துக் கொண்டிருக்கும் நிலையில், நடிகர் பிருத்விராஜ் தரப்பில் இருந்து இப்படி ஒரு அறிவிப்பு வரும் என யாருமே எதிர்பார்க்கவில்லை. ஆம்.. 'ஐயப்பன்' என்கிற படத்தில் பிருத்விராஜ் கதாநாயகனாக நடிக்க இருக்கிறார் என்றால், இந்த சமயத்தில் அது மிகப்பெரிய செய்தி தானே. இந்தப்படத்தில் சுவாமி ஐயப்பனாகவே நடிக்க இருக்கிறார் பிருத்விராஜ்.
ஆனால், வழக்கம்போல ஐயப்பன் என்கிற கடவுளையோ அவரது பராக்கிரமங்களையோ புகழும் தெய்வீக படமாக அல்லாமல், ஐயப்பன் என்பவர் சாதாரண மனிதனாக, இளவரசனாக, ஒரு போர் வீரனாக, ஒரு புரட்சியாளனாக வாழ்ந்த கதையைத்தான் இந்தப்படத்தில் சொல்லப் போகிறார்களாம்.
ஆகஸ்ட் சினிமாஸ் நிறுவனம் தயாரிக்கவுள்ள இந்தப்படத்தை பிரபல மலையாள எழுத்தாளரும் கதாசிரியருமான சங்கர் ராமகிருஷ்ணன் என்பவர் இயக்கவுள்ளார். தென்னிந்திய மொழிகள் நான்கு மற்றும் ஹிந்தி என ஐந்து மொழிகளில் இந்தப்படத்தை உருவாக்க இருக்கிறார்களாம். மேலும் ஆங்கிலத்திலும் இந்தப்படத்தை வெளியிடும் எண்ணமும் இருக்கிறதாம்.