Dinamalar

'பிர்சா முண்டா' படம், மீண்டும் மோதும் பா.ரஞ்சித், கோபி நயினார்

பழங்குடி இன மக்களுக்காக முதன்முதலில் ஆயுதம் ஏந்திப் போராடியவர் பிர்சா முண்டா. அப்போதைய பெங்கால் மாகாணத்தில் இப்போதைய ஜார்கண்ட் மாநிலத்தில் உள்ள உலிஅந்து என்ற ஊரில் பிறந்தவர் பிர்சா. 1890களில் ஆங்கிலேயர்களுக்கு எதிராக அவர் நடத்திய போராட்டத்தால் கைது செய்யப்பட்டு 25 வயதில் சிறையிலேயே இறந்தவர்.

அவருடைய வாழ்க்கை வரலாற்றை படமாக்கப் போவதாக 'அறம்' படத்தை இயக்கிய கோபி நயினார் தெரிவித்திருந்தார். பிர்சா முண்டா கதாபாத்திரத்தில் தெலுங்கு நடிகரான விஜய் தேவரகொண்டாவை நடிக்க வைக்க முயற்சிப்பதாகவும் கூறியிருந்தார். இந்தப் படத்திற்கான கதையை இரண்டு ஆண்டுகளாக பல்வேறு ஆவணங்களைத் திரட்டி எழுதி வைத்திருப்பதாகவும் அவர் தெரிவித்துள்ளார்.

இதனிடையே, அதே பிர்சா முண்டாவின் கதையை ஹிந்தியில் படமாக்கப் போவதாக இயக்குனர் பா.ரஞ்சித் தரப்பும் அறிவித்திருப்பது புதிய சர்ச்சையை உருவாக்கியுள்ளது. கோபி நயினார், பா. ரஞ்சித் இருவரும் ஒரே சமயத்தில் பிர்சா முண்டா படத்தை எடுக்கப் போவதாக அறிவித்திருப்பது மீண்டும் ஒரு மோதலாகவே பார்க்கப்படுகிறது.

கோபி நயினார் இயக்கி பாதியில் நிறுத்திய 'கருப்பர் நகரம்' படம்தான் பா.ரஞ்சித் இயக்கிய 'மெட்ராஸ்' படம் என்ற சர்ச்சை நீண்ட நாட்களாகவே இருந்து வருகிறது. இந்நிலையில் இருவரும் தற்போது பிர்சா முண்டா படம் மூலமாக மீண்டும் ஒரு சர்ச்சையைக் கிளப்பியுள்ளனர்.

ஒரே ஒரு வித்தியாசம், பா.ரஞ்சித் படத்தை ஹிந்தியில் எடுக்கப் போவதாக அறிவித்துள்ளார், கோபி நயினார் தமிழில் எடுக்கப் போவதாக அறிவித்துள்ளார். இருவருமே படம் மிகப் பெரிய பட்ஜெட்டில் உருவாகும் என்கிறார்கள்.

பா.ரஞ்சித் இயக்க உள்ள படத்தை ஈரான் இயக்குனர் மஜித் மஜிதி இயக்கத்தில் வெளிவந்த 'பியான்ட் த கிளவுட்ஸ்' படத்தை இயக்கிய நமா பிக்சர்ஸ் தயாரிக்கப் போகிறது. பா.ரஞ்சித் யாரை பிர்சா முண்டா கதாபாத்திரத்தில் நடிக்க வைக்க முடிவெடுக்கிறாரோ அவரையே கதாநாயகனாக நடிக்க ஒப்பந்தம் செய்யப் போவதாக அந்த நிறுவனம் தெரிவித்துள்ளதாம்.

தமிழ்த் திரையுலகில் சர்ச்சைகள் என்பது ஒரு தொடர்கதையாக மாறிவிட்டது. அது பிர்சா முண்டா படத்திலும் தொடர்கிறது.

• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்
• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்

• 
  ‛கில்லி' ரீ-ரிலீஸ் : த்ரிஷா நெகிழ்ச்சி
• 
  சந்தானத்தின் இங்க நான் தான் கிங்கு படம் மே 10 ல் ரிலீஸ்
• 
  பைக் டாக்சி ஓட்டுனராக நடிக்கும் நக்ஷா சரண்
• 
  எழுத்தாளராக நடிக்கும் வெற்றி
• 
  ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி