Dinamalar

படப்பிடிப்புக்காக வெளிநாடு செல்ல திலீப்புக்கு அனுமதி

பிரபல மலையாள நடிகர் திலீப். முன்னணி நடிகை ஒருவர் கடத்தப்பட்ட வழக்கில் குற்றவாளியாக சேர்க்கப்பட்டிருக்கிறார். இது தொடர்பாக கைது செய்யப்பட்ட, பின்னர் ஜாமினில் விடுதலை ஆனார். வழக்கு தொடர்ந்து வருகிறது. இந்த நிலையில் வெளிநாட்டில் நடக்கும் தனது படத்தின் படப்பிடிப்பில் வருகிற டிசம்பர் 16ந் தேதி முதல் 31ந் தேதி வரை கலந்து கொள்ள அனுமதிக்க வேண்டும். அதற்கு வசதியாக தனது பாஸ்போர்ட்டை ஒப்படைக்க வேண்டும் என்று மனு தாக்கல் செய்தார்.

இதற்கு அரசு தரப்பு வக்கில் கடும் எதிர்ப்பு தெரிவித்தார். பணபலம் படைத்த திலீப், சாட்சிகளை கலைத்து விடுவார் அதற்காக அவர் வெளிநாடு செல்லக்கூடும் என்றார். ஆனால் அதை ஏற்க மறுத்த நீதிமன்றம், திலீப்பின் பாஸ்போர்ட்டை ஒப்படைக்க உத்தரவிட்டது. வெளிநாட்டு சுற்றுப் பயண முழு விபரத்தையும் கோர்ட்டில் தாக்கல் செய்ய திலீப்புக்கு நீதிமன்றம் உத்தரவிட்டது.

அதன்படி அவர் தனது பயணத்திட்டத்தை கோர்ட்டில் தாக்கல் செய்தார். அதை ஆய்வு செய்த நீதிமன்றம், திலீப் வெளிநாடு செல்ல அனுமதி அளித்து உத்தரவிட்டது. ஏற்கெனவே இதேப்போன்று துபாயில் நடந்த நிகழ்ச்சி ஒன்றுக்கு கோர்ட் அனுமதியுடன் சென்ற திலீப், திட்டமிட்டபடி திரும்பியதையும், பாஸ்போர்ட்டை மீண்டும் ஒப்படைத்ததையும் சுட்டிக்காட்டி நீதிமன்றம் இந்த அனுமதியை வழங்கியது.

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் ...
• 
  ராபின் ஹூட் படத்தின் ரிலீஸ் தேதி அறிவிப்பு
• 
  'பிக் பாஸை' கண்காணிக்க தகவல் ஒலிபரப்பு துறை அமைச்சகத்துக்கு ...
• 
  பழம்பெரும் மலையாள இசை அமைப்பாளர் கே.ஜி.ஜெயன் காலமானார்
• 
  ராஜா ஸாப் படப்பிடிப்பில் பிரபாஸுடன் இணைந்த நிதி அகர்வால்