பெண்களால் முடியாதது எதுவுமில்லை! அண்ணா பல்கலை விழாவில் சூர்யா பேச்சு | கேரள ரசிகர்கள் தள்ளுமுள்ளு! விஜய்யின் கார் கண்ணாடி உடைந்தது!! | இறுதிக்கட்டத்தை நெருங்கிய ஜெயம் ரவியின் ஜீனி! | ஆண்ட்ரியாவுக்காக அடம்பிடித்த இயக்குனர் | ரூ.200 கோடி வசூலித்த முதல் மலையாள படம்: மஞ்சும்மேல் பாய்ஸ் சாதனை | ‛உன்னோடு வாழாத வாழ்வென்ன வாழ்வு': 25வது ஆண்டு திருமண வாழ்க்கையை கொண்டாடிய அஜித் - ஷாலினி தம்பதி | பாலிவுட்க்கு செல்லும் சுந்தர்.சி! | விஜய் மகனை நிராகரித்த சிவகார்த்திகேயன்! | இளையராஜா பயோபிக் படத்தை குறித்து புதிய தகவல் இதோ! | நடிகை பூஜாவின் லேட்டஸ்ட் புகைப்படம் வைரல் |
சாமிடா, தம்பி வெட்டோத்தி சுந்தரம், சவுகார்பேட்டை படங்களை இயக்கிய வி.சி.வடிவுடையான் இயக்கும் புதிய படம் வீரமாதேவி. தமிழ், தெலுங்கு, கன்னடம், ஹிந்தி மொழிகளில் தயாராகும் இந்தப்படத்தில் வீரமாதேவியாக பிரபல ஆபாச பட நடிகை சன்னி லியோன் நடித்து வருகிறார். இதற்கு பல கன்னட அமைப்புகள் எதிர்ப்பு தெரிவித்து போராட்டம் நடத்தி வருகிறார்கள்.
இந்தநிலையில் வீரமாதேவி கேரக்டரில் சன்னி லியோன் நடிக்க கூடாது என்று மதுரை செல்லூரைச் சேர்ந்த சரவணன் என்பவர் மதுரை உயர்நீதிமன்ற கிளையில் வழக்கு தொடர்ந்தார். அவர் தாக்கல் செய்த மனுவில், "வீரமாதேவி சோழ மன்னன் முதலாம் ராஜேந்திர சோழனின் மனைவி, சிறந்த வீராங்கனை, பல கோவில்களை கட்டியவர். அவரை சோழ மண்டலத்து மக்கள் தெய்வமாக வணங்கி வருகிறார்கள். அப்படிப்பட்டவர் கேரக்டரில் ஆபாச நடிகை சன்னி லியோன் நடிப்பது வீரமாதேவியை அவமானப்படுத்துவதாகும். எனவே அவர் நடிக்க தடை விதிக்க வேண்டும்" என்று கூறியிருந்தார்.
இந்த வழக்கு நேற்று விசாரணைக்கு வந்தது. மனுவை விசாரித்த நீதிமன்றம், "நடிகர், நடிகைகளில் யார் வேண்டுமானாலும், எந்த கதாபாத்திரத்தில் வேண்டுமானாலும் நடிக்கலாம். அவர்கள் நடிக்கும் கேரக்டருடன் அவர்களது தனிப்பட்ட வாழ்க்கையை ஒப்பிடக்கூடாது" என்று சொல்லி மனுவை தள்ளுபடி செய்து உத்தரவிட்டார்.