'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா? | நடிகை தமன்னாவுக்கு மும்பை சைபர் கிரைம் சம்மன் | ரீ-ரிலீஸ் படங்களால் யாருக்கு லாபம்? | விஜய் கையில் காயம் : ரசிகர்கள் வருத்தம் | ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் |
காக்கா முட்டை படத்தில் இரண்டு சிறுவர்களுக்கு அம்மாவாக நடித்து பிரபலமானவர் ஐஸ்வர்யா ராஜேஷ். அதையடுத்து பல படங்களில் கதாநாயகியாக நடித்து வருபவர், வடசென்னை படத்திற்கு பிறகு தெலுங்கில் விஜய் தேவரகொண்டா நடிக்கும் படத்தில் மூன்று நாயகிகளில் ஒருவராக அறிமுகமாகிறார்.
இதுபற்றி ஐஸ்வர்யா ராஜேஷ் கூறுகையில், தெலுங்கு என் தாய்மொழி என்பதால் சில வருடங்களாகவே தெலுங்கில் நடிக்க முயற்சி எடுத்து வந்தேன். அந்த வாய்ப்பு இப்போது தான் கிடைத்துள்ளது. அதுவும் விஜய் தேவரகொண்டாவுடன் தெலுங்கில் அறிமுகமாவது மகிழ்ச்சியாக உள்ளது. என் தந்தை ராஜேஷ், தெலுங்கில் 25 படங்கள் வரை நடித்தவர்.
இந்த தெலுங்கு படத்தில் மூன்று நாயகிகளில் ஒருவராகத்தான் நான் நடிக்கிறேன். விஜய் தேவரகொண்டாவுக்கு ஜோடி என்பதை விட, ஒரு அழுத்தமான வேடத்தில் நடிக்கிறேன். எனக்கு பர்பாமென்ஸ் பண்ண நல்ல ஸ்கோப் உள்ள வேடம் தான். அதனால் தமிழைப்போலவே தெலுங்கிலும் இமேஜ் என்ற வட்டத்திற்குள் சிக்காத ஒரு நடிகையாக இடம் பிடிப்பேன் என்கிறார்.