ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
பின்னணி பாடகி, சின்மயி, மீ டூ ஹேஷ்டேக்கில், கவிஞர் வைரமுத்து மீது பாலியல் புகார் தெரிவித்தார். தொடர்ந்து அவர் மீது ஏராளமான பெண்கள் புகார் கூறி வருகின்றனர். ராதாரவி, நடன இயக்குநர் கல்யாண், சுசி கணேசன், அர்ஜூன், தியாகராஜன் போன்ற திரைப்பிரபலங்களும் இந்த விவகாரத்தில் சிக்கினர்.
இதை சம்பந்தப்பட்டவர்கள் மறுத்து வருவதோடு, சுசி கணேசன், அர்ஜூன், தியாகராஜன் ஆகியோர் வழக்கு தொடரவும் முடிவு செய்துள்ளனர். இந்நிலையில் மீ டூ பற்றி இசையமைப்பாளர் ஏ.ஆர்.ரஹ்மான், தனது சகோதரி ரைஹானாவிடம் விசாரித்ததாக ரைஹானாவே பேட்டி ஒன்றில் தெரிவித்தார்.
இந்த விவகாரம் பற்றி முதன்முறையாக மனம் திறந்துள்ளார் ரஹ்மான். அவர் தனது டுவிட்டரில், மீ டூ இயக்கத்தை கவனித்து வருகிறேன். பாதிக்கப்பட்டவர்களின் பெயரும், குற்றம் சாட்டப்பட்டவர்களின் பெயரும் எனக்கு அதிர்ச்சியை தந்தது. நமது திரையுலகம் சுத்தமானதாகவும், பெண்களுக்கு மரியாதை தரக்கூடிய இடமாகவும் பார்க்க விரும்புகிறேன்.
நானும், எனது குழுவும் எங்களுடன் பணிபுரிபவர்களுக்கு பாதுகாப்பான முறையில் வேலை பார்க்கும் சூழலை ஏற்படுத்தி தந்துள்ளோம். சமூகவலைதளம் பாதிக்கப்பட்டவர்கள் பேசுவதற்கான சுதந்திரத்தை பெற்று தந்துள்ளது. அதேசமயம் இதை தவறாக பயன்படுத்தவும் வாய்ப்புள்ளது. அதை தவிர்க்க, இணையதள நீதி அமைப்பு ஒன்றை அமைப்பது நல்லது.
இவ்வாறு ரஹ்மான் கூறியுள்ளார்.