Dinamalar

'மீ டூ' விவகாரம் இன்னும் விஸ்வரூபம் எடுக்கும்

ராட்சசன் படத்தின் வெற்றியை தொடர்ந்து, ஆடை, அதோ அந்த பறவை போல, போன்ற படங்களில் நடித்து வருகிறார், அமலா பால். தான் திரையுலக அனுபவம் குறித்தும், தற்போது பரபரப்பாக பேசப்பட்டு வரும் 'மீ டூ' குறித்தும் நம்மிடையே அவர் பேசியதாவது:

ராட்சசன் படத்திற்கு வரவேற்பு எப்படி இருந்தது?

அந்த படம் வெளியாகும் போது, நாங்கள் ரொம்ப டென்ஷனாகவே இருந்தோம். நானும், விஷ்ணு விஷாலும், படத்தின் விளம்பர நிகழ்ச்சிக்காக துபாயில் இருந்தோம். படத்தின் வெற்றிக்கு, பத்திரிகையாளர்களும், ரசிகர்களுமே காரணம். படம் வெளியானதிலிருந்தே, சமூகவலைதளங்களில், நல்ல விதமான செய்திகள் வெளிவந்தபட இருந்தன. படத்தின் வெற்றிக்கு நல்ல கதை இருந்தால் போதும் என உணர்த்திய ரசிகர்களுக்கு, இந்த நேரத்தில் நன்றி தெரிவிக்கிறேன்.

அடுத்து நடிக்க உள்ள படங்கள்?

ஆடை, அதோ அந்த பறவை போல படங்களில் நடித்து வருகிறேன். ஒரு ஹிந்தி படத்திலும் நடிக்க ஒப்பந்தமாகியுள்ளேன்.தமிழ் திரையுலகை பற்றி சில வார்த்தைகள்... எனக்கு தாய்மொழி மலையாளமாக இருந்தாலும், தமிழ் மொழி தான், என்னை வரவேற்றது. ரசிகர்கள் மற்றும் என்னை நம்பிய திரையுலகினரால் தான், இந்தளவு என்னால் வளர முடிந்துள்ளது.

நாயகிக்கு முக்கியத்துவம் உள்ள படங்களில் நடிப்பது குறித்து?

ஆடை, அதோ அந்த பறவை போல படங்கள், நாயகிக்கு முக்கியத்துவம் உள்ள படங்கள் தான். இதுவரை நடித்த படங்களை பார்க்கும் போது, நிறைய படங்கள் வித்தியாசமான ரோலில் நடித்துள்ளேன். வெறும் நடிகையாக மட்டுமல்லாமல், வித்தியாசமான ரோலில் நடித்தால், பல ஆண்டுகள் நிலைத்து நிற்க முடியும். கேமரா முன், சும்மா வந்து போகும் நடிகையாக அல்லாமல், நல்ல கதையில் இருக்க வேண்டும் என விரும்புகிறேன்.

மீ டூ வை பற்றி?

இந்த விவகாரத்தில், முதலில் நான் தான் வெளிப்படையாக பேசினேன். இதுகுறித்து கடந்த பிப்ரவரி மாதம் நான் தான், முதலில், 'டுவிட்' செய்தேன். நானும் பாதிக்கப்பட்டுள்ளேன்.எல்லா துறையிலும் பெண்களுக்கு எதிரான பாலியல் தொல்லைகள் அதிகம் உள்ளன. இந்த நிலையில், மீ டூ உருவாகியிருப்பது நல்ல விஷயம் தான். இந்த விவகாரம், இன்னும் விஸ்வரூபம் எடுக்கும்; இதை பெண்கள் அனைவரும் பயன்படுத்திக் கொள்ள வேண்டும்.

• இவரை பற்றி
• செய்திகள்
• ஆல்பம்
• வால் பேப்பர்கள்
• வந்த படங்கள்
• வரவிருக்கும் படங்கள்

• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...
• 
  ஜூனியர் என்டிஆரின் ஜிம் மேட்டாக மாறிய ஊர்வசி ரவுட்டேலா

• 
  வெற்றியும் தோல்வியும் ஒரே நாள் தான் : ஜெயித்துக்காட்டும் ஜெயம் ரவி
• 
  கனா கண்டேன்... வென்றேன் : அட.. டா.. அக்சதா அஜித்
• 
  சின்ன வயது சினிமா சாதித்தேன் - தேஜா வெங்கடேஷ்
• 
  மக்களை சந்தோஷப்படுத்தணும்: சந்தோஷத்தில் சாம்ஸ்
• 
  பழங்கால நடன மாஸ்டர் களை தேடி...