ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
சில ஆண்டுகளுக்கு முன் வரை, கோலிவுட்டில் கொடிகட்டி பறந்த ஹன்சிகா, சமீபகாலமாக வாய்ப்பில்லாமல் இருந்தார். தற்போதுதுப்பாக்கி
முனை, 100, மஹா ஆகிய படங்களில் நடித்து வரும் அவர், மீண்டும், 'பிசி'யான
நடிகையாகி விட்டார். அவருடன் ஒரு சந்திப்பு:
குறைந்த வயதிலேயே, 50வது படத்தை தொட்டு விட்டீர்களே?
என் சினிமா வாழ்க்கையில், பல வெற்றி, தோல்விகளை பார்த்துள்ளேன். நிறைய அனுபவங்கள் கிடைத்துள்ளன. குழந்தை நட்சத்திரமாக பல ஹிந்தி படங்களில் நடித்துள்ளேன். இப்போது, தமிழ் படங்களுக்கு அதிக முக்கியத்துவம் தருகிறேன். என், 50வது படமான மஹா, ரொம்ப
வித்தியாசமான படம். இப்படத்திற்காக நிறைய பயிற்சி எடுத்துள்ளேன்.
இதுவரை நடித்ததில் பிடித்த படம்?
ரோமியோ ஜூலியட் மிகவும் பிடிக்கும். அரண்மனை படமும் பிடிக்கும்.
சமீபத்தில் பார்த்து ரசித்த படம்?
கீர்த்தி சுரேஷ் நடித்த, மகா நடிகை படம் பார்தேன். கீர்த்தி மிகவும் அருமையாக நடித்திருந்தார்.
தத்தெடுத்த குழந்தைகளுக்காக விடுதி கட்டப்போகிறீர்களா?
கடந்த, ஒன்றரை ஆண்டுகளாக யாரையும் தத்தெடுக்கவில்லை. இதுவரை, 31 குழந்தைகளை பராமரித்து வருகிறேன். அவர்களுக்காக ஒரு விடுதி கட்ட வேண்டும். இதற்காக நான் வரைந்த ஓவியங்களை காட்சிக்கு வைக்கப் போகிறேன்.
சின்ன குஷ்பு போல் இருந்தீர்கள்... திடீரென மெலிந்து விட்டீர்களே?
என் உடல் எடையில், 5 கிலோ தான் குறைந்துள்ளது. இதற்காக, பெரிய அளவில் உடற்பயிற்சி எல்லாம் இல்லை. விரும்பியதை சாப்பிடுவேன். யோகா செய்வதோடு, எனக்கு பிடித்த
விளையாட்டை விளையாடுவேன்.
அஜித்துடன் நடிக்காதது வருத்தமா?
ஆண்டுக்கு நான்கு படங்கள் மட்டுமே நடிக்க வேண்டும் என முடிவு செய்துள்ளேன். இதுவரை அஜித்துடன் நடிக்காதது வருத்தம் தான். பெரிய நடிகர்களுடன் ஜோடியாக நடித்த போது, மான் கராத்தே படத்தில் சிவகார்த்திகேயன் ஜோடியாக நடித்ததற்காக வருத்தப்படவில்லை. அதை சரியான முடிவாகவே பார்க்கிறேன்.
பட தயாரிப்பில் ஆர்வம் உள்ளதா?
நான், 50 படத்தில் நடித்தாலும், ரொம்ப சின்ன பெண் தான். இன்னும் நிறைய படங்கள் நடிக்க
வேண்டும். 70 வயதாகும் போது, படங்கள் தயாரிப்பதை பற்றி யோசிப்போம்.
எதிர்காலத்தில் அரசியல் ஆர்வம்?
படித்தது அரசியல் அறிவியல் என்றாலும், அரசியலில் எனக்கு ஆர்வம் இல்லை. நான் பிறந்தது வட மாநிலமாக இருந்தாலும், தென் மாநில பெண்ணாகவே உணர்கிறேன்.
திருமணம் எப்போது?
நீங்கள் கேட்பது சரியாக காதில் விழவில்லை.