ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? | குருவாயூரில் நடந்த 'டாடா' நாயகி அபர்ணா தாஸ் திருமணம் | பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் |
மலையாள இசை உலகில் பிரபலமானர் பாலா பாஸ்கர். அடிப்படையில் வயலின் இசை கலைஞரான இவர், மாங்கல்யு பல்லாக்கு என்ற படத்துக்கு இசை அமைத்தார். இந்த படத்தின் பாடல்கள் பெரிய வெற்றி பெற்றதும் பல படங்களின் வாய்ப்பு வந்தது. தற்போது 2 படங்களுக்கு இசை அமைத்து வருகிறார்.
பாலா பஸ்கர், தனது மனைவி லட்சுமி, 2 வயது மகள் தேஜஸ்வினியுடன் திருவனந்தபுரத்திலிருந்து திருச்சூருக்கு சாமி கும்பிடச் சென்றனர். கோவிலுக்கு சென்று விட்டு திருவனந்தபுரம் திரும்பிக் கொண்டிருந்தனர். காரை அர்ஜுன் என்பவர் ஓட்டி வந்தார். கார் பள்ளிபுரம் என்ற இடத்தின் அருகே வந்தபோது கட்டுப்பாட்டை இழந்து சாலை ஓரத்தில் நின்ற மரத்தின் மீது திடீரென மோதியது. இதில் பாலா பாஸ்கரும், அவரது மனைவியும் படுகாயம் அடைந்தனர். தலையில் பலத்த காயம் அடைந்த மகள் தேஜஸ்வினி சம்பவ இடத்திலேயே இறந்தார்.
பாலா பாஸ்கரும், அவரது மனைவி லட்சுமியும் அருகில் உள்ள தனியார் மருத்துவமனையில்
சேர்க்கப்பட்டுள்ளனர். டிரைவருக்கு எலும்பு முறிவு ஏற்பட்டது. பாலா பாஸ்கரும், அவரது மனைவியும், தற்போது தீவிர சிகிச்சை பிரிவில் உயிருக்கு ஆபத்தான நிலையில் சிகிச்சை பெற்று வருகிறார்கள். மகள் தேஜஸ்வினி இறந்தது அவர்களுக்கு தெரியாது. திருமணமாகி 16 வருடங்களுக்கு பிறகு தான் தேஜஸ்வினி பிறந்தாள். தவமிருந்த பெற்ற மகளை இழந்து விட்டு உயிருக்கு போராடும் பாலா பாஸ்கர் தம்பதிகள் குணமடைய கேரள இசை கலைஞர்கள் பிரார்த்தனை செய்து வருகிறார்கள்.